ಏಕದಿನದಿಂದಲೂ ಬುಮ್ರಾ ಔಟ್‌

ಹೊಸದಿಲ್ಲಿ: ಇಂಗ್ಲೆಂಡ್‌ ವಿರುದ್ಧದ ಏಕದಿನ ಕ್ರಿಕೆಟ್‌ ಸರಣಿಯಿಂದಲೂ ವೇಗಿ ಜಸ್‌ಪ್ರೀತ್‌ ಬುಮ್ರಾ ಹೊರಬಿದ್ದಿದ್ದಾರೆ. ಗಾಯಾಳು ಬುಮ್ರಾ ಬದಲು ಶಾರ್ದೂಲ್‌ ಠಾಕೂರ್‌ ಆಯ್ಕೆಯಾಗಿದ್ದಾರೆ. 

ಬುಮ್ರಾ ಅವರ ಎಡಗೈಗೆ ಗಾಯವಾಗಿದ್ದು, ಸದ್ಯ ಇಂಗ್ಲೆಂಡ್‌ನ‌ ಲೀಡ್ಸ್‌ನಲ್ಲಿ ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದಾರೆ. ಶಸ್ತ್ರಚಿಕಿತ್ಸೆ ಬಳಿಕ ಬಿಸಿಸಿಐ ವೈದ್ಯಾಧಿಕಾರಿಗಳ ತಂಡದ ಸಲಹೆಯಂತೆ ಅವರು ವಿಶ್ರಾಂತಿಯಲ್ಲಿ ಇರಬೇಕಾಗುತ್ತದೆ ಎಂದು ಬಿಸಿಸಿಐ ಪ್ರಕಟನೆಯಲ್ಲಿ ತಿಳಿಸಿದೆ. ಟಿ20 ವೇಳೆಯೇ ಬುಮ್ರಾ ಹೊರಬಿದ್ದಿದ್ದರು. ಇವರ ಬದಲಿಗೆ ದೀಪಕ್‌ ಚಹರ್‌ ಆಯ್ಕೆಯಾಗಿದ್ದರು.