4 ವರ್ಷಗಳ ಬಳಿಕ ವಿಂಡೀಸ್‌ ತಂಡಕ್ಕೆ ಮರಳಿದ ಗ್ಯಾಬ್ರಿಯಲ್‌

ಕಿಂಗ್‌ಸ್ಟನ್‌ (ಜಮೈಕಾ): ವೇಗದ ಬೌಲರ್‌ ಶಾನನ್‌ ಗ್ಯಾಬ್ರಿಯಲ್‌ 4 ವರ್ಷಗಳ ಬಳಿಕ ವೆಸ್ಟ್‌ ಇಂಡೀಸ್‌ ಏಕದಿನ ತಂಡಕ್ಕೆ ಮರಳಿದ್ದಾರೆ.

ದಕ್ಷಿಣ ಆಫ್ರಿಕಾ ಪ್ರವಾಸದ ವೇಳೆ ಆಡಲಾಗುವ 3 ಪಂದ್ಯಗಳ ಸರಣಿಗಾಗಿ ಪ್ರಕಟಿಸಲಾದ ತಂಡದಲ್ಲಿ ಗ್ಯಾಬ್ರಿಯಲ್‌ ಅವರಿಗೆ ಅವಕಾಶ ನೀಡಲಾಗಿದೆ.

ಗ್ಯಾಬ್ರಿಯಲ್‌ ಇತ್ತೀಚಿನ ಜಿಂಬಾಬ್ವೆ ವಿರುದ್ಧದ ಟೆಸ್ಟ್‌ ಸರಣಿಗಾಗಿ ತಂಡಕ್ಕೆ ಮರಳಿದ್ದರು. ಆದರೆ 2019ರ ವಿಶ್ವಕಪ್‌ ಬಳಿಕ ಏಕದಿನ ತಂಡದಿಂದ ದೂರವೇ ಉಳಿದಿದ್ದರು. ಗಾಯಾಳಾಗಿರುವ ವೇಗಿ ಜೇಡನ್‌ ಸೀಲ್ಸ್‌ ದಕ್ಷಿಣ ಆಫ್ರಿಕಾ ಸರಣಿಗೆ ಲಭ್ಯರಿರುವುದಿಲ್ಲ.

ಟಿ20 ಸರಣಿಗಾಗಿಯೂ ವೆಸ್ಟ್‌ ಇಂಡೀಸ್‌ ತಂಡ ಅಂತಿಮಗೊಂಡಿದೆ. ಎವಿನ್‌ ಲೂಯಿಸ್‌ ಬದಲು ರೊಮಾರಿಯೊ ಶೆಫರ್ಡ್‌ ಅವರನ್ನು ಸೇರಿಸಿಕೊಳ್ಳಲಾಗಿದೆ. ಏಕದಿನ ತಂಡಕ್ಕೆ ಶೈ ಹೋಪ್‌ ನಾಯಕರಾಗಿದ್ದು, ರೋವ¾ನ್‌ ಪೊವೆಲ್‌ ಉಪನಾಯಕರಾಗಿದ್ದಾರೆ. ಟಿ20 ತಂಡವನ್ನು ರೋವ¾ನ್‌ ಪೊವೆಲ್‌ ಮುನ್ನಡೆಸಲಿದ್ದು, ಕೈಲ್‌ ಮೇಯರ್ ಉಪನಾಯಕರಾಗಿದ್ದಾರೆ.

ಮಾ. 16ರಿಂದ 21ರ ತನಕ ಏಕದಿನ ಸರಣಿ, ಮಾ. 25ರಿಂದ 28ರ ತನಕ ಟಿ20 ಸರಣಿ ನಡೆಯಲಿದೆ.