ಬುಮ್ರಾ ಕೌಂಟಿಯಲ್ಲಿ ಆಡಿದರೆ ಲಾಭವಿದೆ: ಅಕ್ರಮ್‌

ಲಾಹೋರ್‌: ಬೌಲಿಂಗ್‌ ಸುಧಾರಣೆಗಾಗಿ ಭಾರತದ ಯುವ ವೇಗಿ ಜಸ್‌ಪ್ರೀತ್‌ ಬುಮ್ರಾ ಇಂಗ್ಲಿಷ್‌ ಕೌಂಟಿಯಲ್ಲಿ ಆಡಬೇಕು ಎಂದು ಪಾಕಿಸ್ಥಾನದ ಮಾಜಿ ವೇಗಿ ವಾಸಿಮ್‌ ಅಕ್ರಮ್‌ ಸಲಹೆ ನೀಡಿದ್ದಾರೆ.

ದಕ್ಷಿಣ ಆಫ್ರಿಕಾ ವಿರುದ್ಧದ ಟೆಸ್ಟ್‌ ಸರಣಿಯನ್ನು 2-1 ಅಂತರದಿಂದ ಭಾರತ ತಂಡ ದಕ್ಷಿಣ ಆಫ್ರಿಕಾಕ್ಕೆ ತಲೆಬಾಗಿತ್ತು. ಈ ಸರಣಿಗೆ ಬುಮ್ರಾ ಆಯ್ಕೆ ತೀವ್ರ ಟೀಕೆಗೆ ಗುರಿಯಾಗಿತ್ತಾದರೂ ಅವರು 14 ವಿಕೆಟ್‌ ಹಾರಿಸಿ ಟೀಕಾಕಾರ ಬಾಯಿ ಮುಚ್ಚಿಸಿದ್ದರು. ಈ ಸಂಗತಿಯನ್ನು ನೆನಪಿಸಿಕೊಂಡಿರುವ ವಾಸಿಮ್‌ ಅಕ್ರಮ್‌, “ಬುಮ್ರಾ ಕೌಂಟಿ ಆಡಿದರೆ ಜುಲೈಯಲ್ಲಿ ನಡೆಯಲಿರುವ ಇಂಗ್ಲೆಂಡ್‌ ಸರಣಿಯಲ್ಲಿ ಉತ್ತಮ ಪ್ರದರ್ಶನ ನೀಡಲು ನೆರವಾಗುತ್ತದೆ’ ಎಂದು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಈಗ ನಡೆಯುತ್ತಿರುವ ಏಕದಿನ ಸರಣಿಯಲ್ಲೂ ಬುಮ್ರಾ ಪರಿಣಾಮಕಾರಿ ಬೌಲಿಂಗ್‌ ನಡೆಸುತ್ತಿದ್ದಾರೆ ಎಂದು ಅಕ್ರಮ್‌ ಹೇಳಿದರು.