ಮುಂಬಯಿ: ಅಭಿಮಾನಿಗಳಿಗೆ ಸ್ಟಾರ್‌ ಗಳ ಆಟೋಗ್ರಾಫ್, ಸೆಲ್ಫಿ ಸಿಕ್ಕರೆ ಅದೇ ದೊಡ್ಡ ಹಬ್ಬ. ಆ ಫೋಟೋ, ಆಟೋಗ್ರಾಫ್ ಗಳನ್ನು ಸ್ಟೇಟಸ್‌ ಹಾ ಇಡುತ್ತಾರೆ. ಇಲ್ಲೊಬ್ಬ ಅಭಿಮಾನಿ ತನ್ನ ಮೆಚ್ಚಿನ ನಟನ ಪ್ರತಿಕ್ರಿಯೆಗೆ ಖುಷ್‌ ಆಗಿದ್ದಾರೆ.
ಇತ್ತೀಚೆಗೆ ಶಾರುಖ್ ಖಾನ್ ʼಆಸ್ಕ್‌ ಮೀ ಎನಿಥಿಂಗ್‌ʼ ಎಂದು ಟ್ವಿಟರ್‌ ನಲ್ಲಿ ಫ್ಯಾನ್ಸ್‌ ಗಳ ಪ್ರಶ್ನೆಗೆ 15 ನಿಮಿಷ ಉತ್ತರಿಸಿದ್ದರು. ಈ ವೇಳೆ ಶಾರುಖ್ ಕೆಲವೊಂದು ಪ್ರಶ್ನೆಗಳಿಗೆ ಉತ್ತರಿಸಿದ್ದಾರೆ. ತಮ್ಮ ಮುಂದಿನ ಸಿನಿಮಾದ ಬಗ್ಗೆಯೂ ಪ್ರತಿಕ್ರಿಯೆ ನೀಡಿದ್ದಾರೆ. ʼಪಠಾಣ್‌ʼ ಸಿನಿಮಾ ದೇಶಭಕ್ತಿಯ ಸಿನಿಮಾವೆಂದು ಈ ವೇಳೆ ಅವರು ಹೇಳಿದ್ದಾರೆ.
ಅಭಿಮಾನಿಗಳು ಹೆಮ್ಮೆಯಾಗಲು ಅವಕಾಶ ಕೊಡಬೇಡಿ ಸರ್. ಶೀಘ್ರದಲ್ಲೇ ಉತ್ತರಿಸಿ.. ಎಂದು ಸತೀಶ್‌ ಎಂಬ ಬಳಕೆದಾರ ಟ್ವೀಟ್ ಮಾಡಿದ್ದಾನೆ. ಇದಕ್ಕೆ ಶಾರುಖ್ ಖಾನ್ “ದಾರಾ ಮತ್” ಎಂದು ರಿಪ್ಲೈ ಮಾಡಿದ್ದಾರೆ.
ಇಷ್ಟು ಮಾತ್ರವಾಗಿದ್ದಾರೆ ಇದು ಸುದ್ದಿಯಾಗುತ್ತಿರಲಿಲ್ಲ. ನಟ ಕೊಟ್ಟ ಪ್ರತಿಕ್ರಿಯೆ ಸ್ಕ್ರೀನ್‌ ಶಾಟ್‌ ಮಾಡಿ, ಅದನ್ನೇ ಫ್ರೇಮ್‌ ಮಾಡಿಕೊಂಡು ಟ್ವಿಟರ್‌ ನಲ್ಲಿ ಸತೀಶ್‌ ಅವರು ಹಾಕಿಕೊಂಡಿದ್ದಾರೆ. ಈತ ಹಾಕಿಕೊಂಡ ಟ್ವೀಟ್ ಈಗ ವೈರಲ್ ಆಗಿದೆ. 5,900 ಕ್ಕೂ ಅಧಿಕ ಮಂದಿ ಸತೀಶ್‌ ಅವರ ಟ್ವೀಟ್ ಮೆಚ್ಚಿಕೊಂಡಿದ್ದಾರೆ.
