ಆಮ್‌ಸ್ಟರ್‌ ಡ್ಯಾಮ್: ಪಾಕಿಸ್ಥಾನ ಸೀಮಿತ ಓವರ್ ಕ್ರಿಕೆಟ್ ತಂಡದ ಉಪ ನಾಯಕ ಶದಾಬ್ ಖಾನ್ ಅವರು ನಾಯಕ ಬಾಬರ್ ಅಜಂ ಅವರನ್ನು ಕ್ರಿಕೆಟ್ ನ ರೋನಾಲ್ಡೊ- ಮೆಸ್ಸಿ ಇದ್ದಂತೆ ಎಂದು ಬಣ್ಣಿಸಿದ್ದಾರೆ.
ಮಾಜಿ ಮ್ಯಾಂಚೆಸ್ಟರ್ ಯುನೈಟೆಡ್ ಮತ್ತು ಅಜಾಕ್ಸ್ ಲೆಜೆಂಡರಿ ಗೋಲ್ ಕೀಪರ್ ಎಡ್ವಿನ್ ವ್ಯಾನ್ ಡೆರ್ ಸಾರ್ ಗೆ ಶದಾಬ್ ಖಾನ್ ಈ ರೀತಿ ತಮ್ಮ ನಾಯಕನ ಪರಿಚಯ ಮಾಡಿಕೊಟ್ಟಿದ್ದಾರೆ.
ಬಾಬರ್ ಮತ್ತು ಅವರ ತಂಡದ ಸದಸ್ಯರು ನೆದರ್‌ಲ್ಯಾಂಡ್ಸ್‌ ನ ಆಮ್‌ಸ್ಟರ್‌ ಡ್ಯಾಮ್ ಫುಟ್‌ಬಾಲ್ ಕ್ಲಬ್ ಅಜಾಕ್ಸ್ ಅಥವಾ ಎಎಫ್ ಸಿ ಅಜಾಕ್ಸ್ ಗೆ ಭೇಟಿ ನೀಡಿದಾಗ ಶಾದಾಬ್ ಈ ರೀತಿ ಪರಿಚಯ ಮಾಡಿದರು. ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿರುವ ವೀಡಿಯೊದಲ್ಲಿ, ಶಾದಾಬ್ ಎಡ್ವಿನ್ ವ್ಯಾನ್ ಡೆರ್ ಸಾರ್‌ಗೆ ಬಾಬರ್‌ನತ್ತ ತೋರಿಸಿ ‘ಅವರು ಕ್ರಿಕೆಟ್ ನ ಕ್ರಿಸ್ಟಿಯಾನಲ್ ಮೆಸ್ಸಿ’ ಎಂದು ಹೇಳುವುದನ್ನು ಕಾಣಬಹುದು.
ಇದನ್ನೂ ಓದಿ:ಅಕ್ರಮ ಸಂಬಂಧ; ಅಂದಗೆಟ್ಟ ವಿವಾಹ ಬಂಧ; ಮೂರೂವರೆ ವರ್ಷದಲ್ಲಿ 981 ಕೇಸ್‌
ಇದೇ ವೇಳೆ ಪಾಕಿಸ್ಥಾನ ತಂದ ಮ್ಯಾನೇಜರ್ ಮನ್ಸೂರ್ ಅವರು, ಆಟಗಾರರ ಸಹಿಯುಳ್ಳ ಬ್ಯಾಟನ್ನು ಕ್ಲಬ್ ಗೆ ನೀಡಿದರು.
ಪಾಕ್ ಮತ್ತು ಅಜಾಕ್ಸ್ ತಂಡದ ನಾಯಕರು ಸಹಿಯುಳ್ಳ ಜೆರ್ಸಿಯನ್ನು ಇದೇ ವೇಳೆ ವಿನಿಮಯ ಮಾಡಿಕೊಂಡರು. ಮೂರು ಪಂದ್ಯಗಳ ಏಕದಿನ ಸರಣಿಗಾಗಿ ಪಾಕಿಸ್ತಾನ ತಂಡ ನೆದರ್ಲೆಂಡ್ಸ್ ಪ್ರವಾಸದಲ್ಲಿದ್ದು, ಭಾನುವಾರ ಅಂತಿಮ ಪಂದ್ಯವಾಡಲಿದೆ.
