ಸೂರ್ಯಗ್ರಹಣ : ಡಿ.26ರಂದು ಶಬರಿಮಲೆ ದೇವಸ್ಥಾನಕ್ಕೆ ಬಾಗಿಲು

ತಿರುವನಂತಪುರ: ಎರಡು ತಿಂಗಳ ವಾರ್ಷಿಕ ಯಾತ್ರೆ ನಡೆಯುತ್ತಿರುವ ಹೊತ್ತಿನಲ್ಲೇ ಡಿ.26ರಂದು ಶಬರಿಮಲೆ ಅಯ್ಯಪ್ಪಸ್ವಾಮಿ ದೇವಸ್ಥಾನ 4 ಗಂಟೆ‌ ಕಾಲ ಮುಚ್ಚಿರಲಿದೆ. ಆ ದಿನ ಸೂರ್ಯಗ್ರಹಣ ಇರುವುದರಿಂದ ಬೆಳಗ್ಗೆ 7.30ರಿಂದ 11.30ರವರೆಗೆ ಗರ್ಭಗುಡಿಗೆ ಬಾಗಿಲು ಹಾಕಲಾಗುವುದು ಎಂದು ತಿರುವಾಂಕೂರು ಆಡಳಿತ ಮಂಡಳಿ ತಿಳಿಸಿದೆ.

ಡಿ.26ಕ್ಕೆ ಬೆಳಗ್ಗೆ 8.06 ಗಂಟೆಯಿಂದ 11.13 ಗಂಟೆಯವರೆಗೆ ಸೂರ್ಯಗ್ರಹಣವಿರಲಿದೆ. ಅದಾದ ಮೇಲೆ ಪುಣ್ಯಾಹವಾಚನ, ಶುದ್ಧೀಕರಣ ಮಾಡಿ ಮತ್ತೆ ದರ್ಶನಕ್ಕೆ ತೆರೆಯಲಾಗುವುದು ಎಂದೂ ಮಂಡಳಿ ಹೇಳಿದೆ.