ಸೆರೆನಾ ವ್ಯಂಗ್ಯ ಚಿತ್ರ ಜನಾಂಗೀಯ ನಿಂದನೆ ಅಲ್ಲ: ಎಪಿಸಿ ಸ್ಪಷ್ಟನೆ

ಸಿಡ್ನಿ: ಕಳೆದ ವರ್ಷ ಯುಎಸ್‌ ಓಪನ್‌ ಟೆನಿಸ್‌ ಫೈನಲ್‌ ಪಂದ್ಯದ ವೇಳೆ ಅಮೆರಿಕದ ಖ್ಯಾತ ಟೆನಿಸ್‌ ತಾರೆ ಸೆರೆನಾ ವಿಲಿಯಮ್ಸ್‌ ಚೇರ್‌ ಅಂಪೈರ್‌ ವಿರುದ್ಧ ಸಿಡಿದಿದ್ದರು. ಇದನ್ನು ಆಸ್ಟ್ರೇಲಿಯದ ದಿನಪತ್ರಿಕೆ “ಹೆರಾಲ್ಡ್‌ ಸನ್‌’ ವ್ಯಂಗ್ಯಚಿತ್ರ ಬಿಡಿಸಿತ್ತು. 

ಪತ್ರಿಕೆ ನನ್ನ ವ್ಯಂಗ್ಯ ಚಿತ್ರ ಬಿಡಿಸುವುದರ ಮೂಲಕ ಜನಾಂಗೀಯ ನಿಂದನೆ ಮಾಡಿದೆ ಎಂದು ಸೆರೆನಾ ದೂರು ನೀಡಿದ್ದರು. ಈ ಬಗ್ಗೆ ವಿಚಾರಣೆ ನಡೆಸಿದ ಆಸ್ಟ್ರೇಲಿಯನ್‌ ಪ್ರಸ್‌ ಕೌನ್ಸಿಲ್‌, “ನಿಯಮ ಉಲ್ಲಂಘಿಸಿ ವ್ಯಂಗ್ಯಚಿತ್ರ ಬಿಡಿಸಲಾಗಿಲ್ಲ. ಕಾಟೂìನಿಸ್ಟ್‌ ನೈಟ್‌ ಅವರು ಸರೆನಾ ಇರುವಂತೆಯೇ ಚಿತ್ರಿಸಿದ್ದಾರೆ. ಅವರ ಬಣ್ಣ, ಕೂದಲು, ಮೂಗು, ತುಟಿ, ದೇಹತೂಕ ಮತ್ತು ಅಂದು ಅವರು ಕುಣಿದು ಕುಪ್ಪಳಿಸಿದನ್ನೇ ಇಟ್ಟುಕೊಂಡು ವ್ಯಂಗ್ಯಚಿತ್ರ ಬಿಡಿಸಲಾಗಿದೆ. ಇದರಲ್ಲಿ ಯಾವುದೇ ತಪ್ಪು ಆಗಿಲ್ಲ’ ಎಂದು ತಿಳಿಸಿದೆ.