ಮೋದಿ ಉದ್ದ ಗಡ್ಡದ ಹಿಂದಿನ ಸಂದೇಶವೇನು?

ಹೊಸದಿಲ್ಲಿ: ಗಡ್ಡ ಉದ್ದ ಬಂದಿದೆ, ಆದರೆ ಟ್ರಿಮ್‌ ಮಾಡಿಕೊಳ್ಳಲೂ ಸಮಯ ಸಿಗುತ್ತಿಲ್ಲ.

ದೇಶಕ್ಕಾಗಿ 16-18 ಗಂಟೆ ಮೀಸಲಿಡುವ ಪ್ರಧಾನಿ ನರೇಂದ್ರ ಮೋದಿ ಅವರ ಸದ್ಯದ ಸ್ಥಿತಿ ಇದು.

ಮೋದಿ ಅವರ ಟ್ರಿಮ್‌ ಆಗದ ಗಡ್ಡ ಈಗ ನೆಟ್ಟಿಗರಿಗೆ ಚರ್ಚೆಯ ವಸ್ತು.

ಮೋದಿ ಅವರ ಮುಖದಲ್ಲಿ ಟ್ರಿಮ್‌ ಗಡ್ಡ ಕೂಡ ವಿಶೇಷ ಸಿಗ್ನೇಚರ್‌. ಮಾರ್ಚ್‌ನಲ್ಲಿ ಜನತಾ ಕರ್ಫ್ಯೂ ಘೋಷಿಸುವ ಮುನ್ನ ಭಾಷಣದ ವೇಳೆ ಅವರು ಟ್ರಿಮ್‌ ಗಡ್ಡದಲ್ಲಿಯೇ ಕಾಣಿಸಿಕೊಂಡಿದ್ದರು.

ಅನಂತರ ಸಾಕಷ್ಟು ಬಾರಿ ಮೋದಿ ಭಾಷಣ ಮಾಡಿದ್ದಾರೆ. ಈ ವಾರದ ಆರಂಭದಲ್ಲಿಯೂ ದೂರದರ್ಶನದಲ್ಲಿ ಪ್ರಧಾನಿ ಮಾತಾಡಿದ್ದಾರೆ. ಆದರೆ, ಟ್ರಿಮ್‌ ಗಡ್ಡ ಮಾತ್ರ ಕಾಣೆಯಾಗಿದೆ.

ಈ 3 ತಿಂಗಳಿನಲ್ಲಿ ಮೋದಿ ಗಡ್ಡಕ್ಕೆ ಕತ್ತರಿ ಆಡಿಸಿಲ್ಲ. ಈ ಉದ್ದ ಗಡ್ಡ ಏನಾದರೂ ಸಂದೇಶ ರವಾನಿಸುತ್ತಿದೆಯೇ ಎನ್ನುವುದು ಅನೇಕರ ಚರ್ಚೆಗೆ ವಿಷಯ.

ಸಾಮಾಜಿಕ ಅಂತರ ಕಾಪಾಡಿಕೊಂಡು ಮೋದಿ ಲಾಕ್‌ಡೌನ್‌ ನಿಯಮ ಪಾಲಿಸುತ್ತಿದ್ದಾರೆ. ಕೊರೊನಾ ಸಂದಿಗ್ಧ, ಲಡಾಖ್‌ ಗಡಿ ಬಿಕ್ಕಟ್ಟು- ಈ ಕುರಿತಾದ ಸಭೆಗಳಲ್ಲಿ ಮೋದಿ ಬ್ಯುಸಿಯಾಗಿದ್ದಾರೆ ಎನ್ನುವುದು ಕೆಲವರ ಅಂಬೋಣ.