ದ್ವಿತೀಯ ಟೆಸ್ಟ್‌ಗೆ ಮೊಹಮದುಲ್ಲ ಇಲ್ಲ

ಕೊಲಂಬೊ: ಬುಧವಾರ ದಿಂದ ಇಲ್ಲಿ ಆರಂಭವಾಗಲಿರುವ ಆತಿಥೇಯ ಶ್ರೀಲಂಕಾ ವಿರುದ್ಧದ ದ್ವಿತೀಯ ಟೆಸ್ಟ್‌ ಪಂದ್ಯಕ್ಕಾಗಿ ಆಲ್‌ರೌಂಡರ್‌ ಮೊಹಮ್ಮದುಲ್ಲ ಅವರನ್ನು ಕೈಬಿಡಲು ಬಾಂಗ್ಲಾದೇಶ ನಿರ್ಧರಿಸಿದೆ. ತಂಡದ ಮ್ಯಾನೇಜರ್‌ ಖಲೀದ್‌ ಮಹ್ಮದ್‌ ಇದನ್ನು ತಿಳಿಸಿದ್ದಾರೆ.

ಇದು ಬಾಂಗ್ಲಾದೇಶದ 100ನೇ ಟೆಸ್ಟ್‌ ಪಂದ್ಯ ವೆಂಬುದು ವಿಶೇಷ. ಆದರೆ ಈ ಸಂಭ್ರಮದಲ್ಲಿ ಪಾಲ್ಗೊಳ್ಳುವ ಅದೃಷ್ಟ ಸೀನಿಯರ್‌ ಆಟಗಾರ ಮೊಹಮದುಲ್ಲ ಅವರಿಗೆ ಇಲ್ಲವಾಗಿದೆ. ಇದಕ್ಕೆ ಅವರ ಕಳಪೆ ಫಾರ್ಮ್ ಕಾರಣ. ಗಾಲೆ ಟೆಸ್ಟ್‌ ಪಂದ್ಯದ ಮೊದಲ ಇನ್ನಿಂಗ್ಸ್‌ನಲ್ಲಿ ಕೇವಲ 8 ರನ್‌ ಮಾಡಿದ ಮೊಹಮದುಲ್ಲ, ದ್ವಿತೀಯ ಸರದಿಯಲ್ಲಿ ಖಾತೆಯನ್ನೇ ತೆರೆದಿರ ಲಿಲ್ಲ. ಇದಕ್ಕೂ ಮುನ್ನ ಭಾರತದೆದುರು ಹೈದರಾಬಾದ್‌ನಲ್ಲಿ ನಡೆದ ಏಕೈಕ ಟೆಸ್ಟ್‌ ಪಂದ್ಯದಲ್ಲಿ ಅವರು ಅರ್ಧ ಶತಕ ಹೊಡೆದಿದ್ದರು. 

ಆದರೆ ಸೋಮವಾರದ ಅಭ್ಯಾಸದಲ್ಲಿ ಮೊಹಮ ದುಲ್ಲ ಪಾಲ್ಗೊಂಡಿದ್ದಾರೆ. ಪಂದ್ಯದ ಮೊದಲ ದಿನ ದಾಟದ ಬಳಿಕ ಬಾಂಗ್ಲಾದೇಶಕ್ಕೆ ವಾಪಸಾಗಲಿದ್ದಾರೆ ಎಂದು ಟೀಮ್‌ ಮ್ಯಾನೇಜರ್‌ ತಿಳಿಸಿದ್ದಾರೆ.