ಆನ್‌ಲೈನ್‌ ತರಗತಿಗಾಗಿ ದಿನಾ ಬೆಟ್ಟ ಹತ್ತಿ ಇಳಿಯುವ ವಿದ್ಯಾರ್ಥಿ!

ಜೈಪುರ: ಅದು ದರೂರ್‌… ರಾಜಸ್ಥಾನದ ಬರ್ಮಾರ ಜಿಲ್ಲೆಯ ಪುಟ್ಟ ಹಳ್ಳಿ. ಆ ಹಳ್ಳಿಯ ಪಕ್ಕದಲ್ಲೇ ಇದೆ ಒಂದು ಬೆಟ್ಟ. ಆ ಹಳ್ಳಿಯ ಹುಡುಗ ನೊಬ್ಬ ಪ್ರತಿದಿನ ಆ ಬೆಟ್ಟವನ್ನು ಹತ್ತಿ ಹೋಗಿ ತರಗತಿಗಳಲ್ಲಿ ಪಾಲ್ಗೊಳ್ಳುತ್ತಿ ದ್ದಾನೆ. ಹಾಗಂತ ಅಲ್ಲೇನೂ ಶಾಲೆ-­ಗೀಲೆ ಏನಿಲ್ಲ. ಆತ ಹೋಗುತ್ತಿರುವುದು ಆನ್‌ಲೈನ್‌ ತರಗತಿಗೆ!

ಹಳ್ಳಿಯಲ್ಲಿ ನೆಟ್‌ವರ್ಕ್‌ ಸಿಗದ ಕಾರಣ ಆ ಹುಡುಗ ದಿನಕ್ಕೆ ಕೆಲವೇ ಕೆಲವು ಗಂಟೆಗಳ ತರಗತಿಗಾಗಿ ಬೆಟ್ಟ ಹತ್ತಿಳಿಯಬೇಕು. ಜವಾಹರ ನವೋದಯ ವಿದ್ಯಾಲಯದ ವಿದ್ಯಾರ್ಥಿ ಹರೀಶ್‌ ಪ್ರತಿದಿನ ಬೆಳಗ್ಗೆ 8 ಗಂಟೆ ಬೆಟ್ಟ ಹತ್ತಿ, ಆನ್‌ ಲೈನ್‌ ಪಾಠ ಮುಗಿಸಿಕೊಂಡು ಅಪರಾಹ್ನ 2 ಗಂಟೆಗೆ ಮನೆಗೆ ವಾಪಸ್ಸು ಬರುತ್ತಾನೆ.

ಹುಡುಗನ ಬಗ್ಗೆ ಮಾತನಾಡುವ ಹರೀಶ್‌ ತಂದೆ ವೀರಮ್‌ ದೇವ್‌, “”ನನ್ನ ಮಗ ಕಳೆದ ಒಂದೂವರೆ ತಿಂಗಳಿನಿಂದ ಹೀಗೇ ಬೆಳಗ್ಗೆ ಬೆಟ್ಟ ಹತ್ತಿ ಇಳಿಯುತ್ತಿದ್ದಾನೆ” ಎಂದಿದ್ದಾರೆ.