ಶೀಘ್ರವೇ ಸ್ಕಾಟ್ಲೆಂಡ್‌ನಿಂದ ಏಳು ಪ್ರಾಚೀನ ವಸ್ತು ವಾಪಸು

ಲಂಡನ್‌: ಭಾರತದಿಂದ ಕಳ್ಳತನವಾಗಿ ಯುನೈಟೆಡ್‌ ಕಿಂಗ್‌ಡಂನ ಸ್ಕಾಟ್ಲೆಂಟ್‌ ಸೇರಿದ್ದ ಏಳು ಪ್ರಾಚೀನ ವಸ್ತುಗಳನ್ನು ಭಾರತಕ್ಕೆ ವಾಪಸು ತರುವ ಕೆಲಸ ಆರಂಭವಾಗಿದೆ.

ಗ್ಲಾಸ್‌ಗೋ ಸಂಸ್ಥೆಯ ಗ್ಲಾಸ್‌ಗೋ ವಸ್ತುಸಂಗ್ರಹಾಲಯದಲ್ಲಿರುವ ವಸ್ತುಗಳನ್ನು ಶುಕ್ರವಾರ ಭಾರತೀಯ ಹೈಕಮಿಷನ್‌ಗೆ ಹಸ್ತಾಂತರಿಸಲಾಗಿದೆ.

ಭಾರತಕ್ಕೆ ಬರಲಿರುವ ಪ್ರಾಚೀನ ವಸ್ತುಗಳಲ್ಲಿ 14ನೇ ಶತಮಾನದ ಇಂಡೋ-ಪರ್ಷಿಯನ್‌ ಖಡ್ಗ, ಕಾನ್ಪುರದಲ್ಲಿದ್ದ 11ನೇ ಶತಮಾನದ ಕಲ್ಲಿನ ಬಾಗಿಲಿನ ಚೌಕಟ್ಟು ಸೇರಿದೆ.

ಈ ಎಲ್ಲ ಪ್ರಾಚೀನ ವಸ್ತುಗಳ 19ನೇ ಶತಮಾನದಲ್ಲಿಯೇ ಭಾರತದಿಂದ ಕಳುವಾಗಿ ಸ್ಕಾಟ್ಲೆಂಡ್‌ ಸೇರಿದ್ದಾಗಿ ಹೇಳಲಾಗಿದೆ.