ಎಸ್‌ಬಿಐ : ಕನಿಷ್ಠ ಬ್ಯಾಲನ್ಸ್‌ ಇಲ್ಲದ ಖಾತೆಗಳ ಮೇಲಿನ ಶುಲ್ಕ ಕಡಿತ

ಮುಂಬಯಿ :  ಇದೇ ಬರುವ ಎಪ್ರಿಲ್‌ 1ರಿಂದ ಜಾರಿಗೆ ಬರುವಂತೆ ಭಾರತೀಯ ಸ್ಟೇಟ್‌ ಬ್ಯಾಂಕ್‌ ತನ್ನಲ್ಲಿನ ಉಳಿತಾಯ ಖಾತೆಯಲ್ಲಿ ತಿಂಗಳ ಸರಾಸರಿ ಕನಿಷ್ಠ ಬ್ಯಾಲನ್ಸ್‌ ಹಣವನ್ನು ಇರಿಸದ ಖಾತೆದಾರರ ಮೇಲೆ ವಿಧಿಸುವ ಶುಲ್ಕವನ್ನು ಶೇ.75ರಷ್ಟು ಇಳಿಸಿದೆ. 

ಮೆಟ್ರೋ ಮತ್ತು ನಗರ ಕೇಂದ್ರಗಳಲ್ಲಿ ತಿಂಗಳ ಸರಾಸರಿ ಕನಿಷ್ಠ ಬ್ಯಾಲನ್ಸ್‌ ಉಳಿಸದ ಎಸ್‌ಬಿ ಖಾತೆಗಳ ಮೇಲೆ ಈಗಿರುವ 50 ರೂ. ಶುಲ್ಕವನ್ನು , 15 ರೂ.ಗಳಿಗೆ (+ಜಿಎಸ್‌ಟಿ) ಇಳಿಸಿದೆ. ಇದರಿಂದ ಸುಮಾರು 25 ಕೋಟಿ ಎಸ್‌ಬಿ ಖಾತೆದಾರರಿಗೆ ಪ್ರಯೋಜನವಾಗಲಿದೆ.

ಅರೆ-ನಗರ ಮತ್ತು ಗ್ರಾಮೀಣ ಕೇಂದ್ರಗಳಲ್ಲಿ ಈ ಶುಲ್ಕವನ್ನು ಈಗಿನ 40 ರೂ.ಗಳಿಂದ ಅನುಕ್ರಮವಾಗಿ 12 ರೂ. ಮತ್ತು 10 ರೂ.ಗಳಿಗೆ (+ಜಿಎಸ್‌ಟಿ)ಇಳಿಸಲಾಗಿದೆ ಎಂದು ಬ್ಯಾಂಕ್‌ ಪ್ರಕಟನೆ ತಿಳಿಸಿದೆ.