Pakistan; ಸರಬ್ಜಿತ್ ಸಿಂಗ್ ಹತ್ಯೆಗೈದಿದ್ದ ಸರ್ಫರಾಜ್ ಅಪರಿಚಿತರ ಗುಂಡಿಗೆ ಬಲಿ

ಲಾಹೋರ್: ಕೋಟ್ ಲಖ್ಪತ್ ಜೈಲಿನಲ್ಲಿ ಭಾರತೀಯ ಪ್ರಜೆ ಸರಬ್ಜಿತ್ ಸಿಂಗ್ ಹತ್ಯೆಯ ಹಿಂದಿನ ವ್ಯಕ್ತಿ,ಭೂಗತ ಪಾತಕಿ ಅಮೀರ್ ಸರ್ಫರಾಜ್ ನನ್ನು ಲಾಹೋರ್ ನಲ್ಲಿ ಭಾನುವಾರ ಅಪರಿಚಿತರು ಗುಂಡಿಕ್ಕಿ ಹತ್ಯೆಗೈದಿದ್ದಾರೆ ಎಂದು ವರದಿಯಾಗಿದೆ.

ಐಎಸ್‌ಐ ಆದೇಶದ ಮೇರೆಗೆ ಪಾಕಿಸ್ಥಾನದಲ್ಲಿ ಬಂಧಿಯಾಗಿದ್ದ ಭಾರತೀಯ ಪ್ರಜೆ ಸರಬ್ಜಿತ್ ಸಿಂಗ್ ನನ್ನು ಅಮೀರ್ ಸರ್ಫರಾಜ್ ಹತ್ಯೆ ಮಾಡಿದ್ದ.

ಅಮೀರ್ ಸರ್ಫರಾಜ್ ಪಾಕಿಸ್ಥಾನದ ಜೈಲಿನಲ್ಲಿ ಸರಬ್ಜಿತ್‌ನನ್ನು ಕತ್ತು ಹಿಸುಕಿ ಹತ್ಯೆಗೈದಿದ್ದ. ಪಾಕಿಸ್ಥಾನಿ ಗುಪ್ತಚರ ಸಂಸ್ಥೆ ಐಎಸ್‌ಐ ಆದೇಶದ ಮೇರೆಗೆ ಅಮೀರ್ ಸರಬ್ಜಿತ್‌ನನ್ನು ಚಿತ್ರಹಿಂಸೆ ನೀಡಿ ಹತ್ಯೆಗೈದಿದ್ದ.