ರಾಜ್ಯಸಭೆ ಟಿವಿ ಸಿಇಒ ಹುದ್ದೆಗೆ ಸಪ್ಪಲ್‌ ಗುಡ್‌ಬೈ

ಹೊಸದಿಲ್ಲಿ: ರಾಜ್ಯಸಭಾ ಟಿವಿ ಚಾನೆಲ್‌ನ ಸಿಇಒ ಆಗಿದ್ದ ಗುರುದೀಪ್‌ ಸಿಂಗ್‌ ಸಪ್ಪಲ್‌ ಅವರು ಶನಿವಾರ ತಮ್ಮ ಹುದ್ದೆಗೆ ರಾಜೀನಾಮೆ ನೀಡಿದ್ದಾರೆ. ಅವರಿಂದ ತೆರವಾದ ಹುದ್ದೆಯ ಹೆಚ್ಚುವರಿ ಹೊಣೆಯನ್ನು ಈಗ ಪ್ರಸಾರ ಭಾರತಿ ಸಿಇಒ ಆಗಿರುವ ಶಶಿ ಶೇಖರ್‌ ಅವರಿಗೆ ಹೊರಿಸಲಾಗಿದೆ.

“ಸಪ್ಪಲ್‌ ಅವರ ರಾಜೀನಾಮೆಯನ್ನು ಅಂಗೀಕರಿಸಲಾಗಿದ್ದು, ಸಿಇಒ ಹುದ್ದೆಯನ್ನು ಶಶಿಶೇಖರ್‌ ಅವರಿಗೆ ಹಸ್ತಾಂತರಿಸಲು ನಿರ್ದೇಶಿಸುತ್ತಿದ್ದೇವೆ’ ಎಂದು ರಾಜ್ಯಸಭೆ ಕಾರ್ಯಾಲಯ ಆದೇಶ ಹೊರಡಿಸಿದೆ. ಇದೇ ವೇಳೆ ಪ್ರಸಾರ ಭಾರ್ತಿ ಅಧ್ಯಕ್ಷ ಎ. ಸೂರ್ಯ ಪ್ರಕಾಶ್‌ ಅವರು, “ರಾಜ್ಯಸಭೆಯ ಟಿವಿಯಲ್ಲಿ ಇನ್ನು ಹೊಸ ಬದಲಾವಣೆ ಕಾಣುವಿರಿ. ಶಶಿ ಅವರಿಗೆ ಒಳ್ಳೆಯದಾಗಲಿ’ ಎಂದು ಟ್ವೀಟ್‌ ಮಾಡಿದ್ದಾರೆ.

ಸಪ್ಪಲ್‌ ಅವರು ಈ ಹಿಂದೆ ಬಲಪಂಥೀಯ ವಿಚಾರಧಾರೆ ಯನ್ನು ಪ್ರತಿಪಾದಿಸುತ್ತಿದ್ದ ನೀತಿ ಸೆಂಟ್ರಲ್‌ ಎಂಬ ವೆಬ್‌ಸೈಟ್‌ ಅನ್ನು ನಡೆಸುತ್ತಿದ್ದರು. ರಾಜ್ಯಸಭಾ ಟಿವಿ ಚಾನೆಲ್‌ಗೆ ಸೇರಿದ ಬಳಿಕ ಅವರು, “ರಾಜ್ಯಸಭಾ ಟಿವಿಯನ್ನು ಬಿಬಿಸಿ, ಅಲ್‌ ಜಜೀರಾ ಮಾದರಿಯಲ್ಲಿ ಬೆಳೆಸುತ್ತೇನೆ’ ಎಂದಿದ್ದರು.