ಬಿಜೆಪಿ ಸಂಸದ, ಮಾಜಿ ಕೇಂದ್ರ ಸಚಿವ ಸನ್ವರ್‌ ಲಾಲ್‌ ಜಾಟ್‌ ವಿಧಿವಶ

ಹೊಸದಿಲ್ಲಿ : ಅಜ್‌ಮೇರ್‌ನ ಬಿಜೆಪಿ ಸಂಸದ ಮತ್ತು ಮಾಜಿ ಕೇಂದ್ರ ಸಚಿವ ಸನ್ವರ್‌ ಲಾಲ್‌ ಜಾಟ್‌ (62) ಅವರು ಇಂದು ಆ.9ರಂದು ಹೃತಿðಯೆ ನಿಂತು ನಿಧನ ಹೊಂದಿದರು. 

ಕಳೆದ ತಿಂಗಳಲ್ಲಿ ಬಿಜೆಪಿ ಅಧ್ಯಕ್ಷ ಅಮಿತ್‌ ಶಾ ಅವರ ಅಧ್ಯಕ್ಷತೆಯಲ್ಲಿ ಜೈಪುರದಲ್ಲಿ  ನಡೆದಿದ್ದ ಸಭೆಯಲ್ಲಿ ಸನ್ವರ್‌ ಲಾಲ್‌ ಜಾಟ್‌ ಅವರು ಪ್ರಜ್ಞಾಹೀನರಾಗಿ ಕುಸಿದು ಬಿದ್ದಿದ್ದರು. ಒಡನೆಯೇ ಅವರನ್ನು ಜೈಪುರದ ಸವಾಯ್‌ ಮಾನ್‌ಸಿಂಗ್‌ ಆಸ್ಪತ್ರೆಗೆ ಒಯ್ಯಲಾಗಿತ್ತು. ಬಳಿಕ ಅವರನ್ನು ದಿಲ್ಲಿಯ ಏಮ್ಸ್‌ಗೆ ದಾಖಲಿಸಲಾಗಿತ್ತು.

ಜಾಟ್‌ ಅವರು ಓರ್ವ ಹಿರಿಯ ಬಿಜೆಪಿ ನಾಯಕನಾಗಿದ್ದು ಅನೇಕ ಹೊಣೆಗಾರಿಕೆಗಳನ್ನು ಹುದ್ದೆಗಳನ್ನು ನಿಭಾಯಿಸಿದ್ದರು. ಅಜ್‌ಮೇರ್‌ ಜಿಲ್ಲೆಯ ಅಜ್‌ಮೇರ್‌ನ ನಸೀರಾಬಾದ್‌ ಕ್ಷೇತ್ರದಿಂದ ರಾಜಸ್ಥಾನ ವಿಧಾನಸಭೆಗೆ ಆಯ್ಕೆಯಾಗಿದ್ದರು. 2014ರ ನವೆಂಬರ್‌ 9ರಿಂದ 2016ರ ಜುಲೈ 5ರ ವರೆಗೆ ಅವರು ಕೇಂದ್ರ ಸಹಾಯಕ ಜಲಸಂಪನ್ಮೂಲ ಸಚಿವರಾಗಿ ಕರ್ತವ್ಯ ನಿರ್ವಹಿಸಿದ್ದರು.