ರಕ್ಷಿತ್‌ ನಟನೆಯ “777 ಚಾರ್ಲಿ’ ಸೇರಿದಂತೆ ಒಂದೆರಡು ಸಿನಿಮಾಗಳಲ್ಲಿ ಬಿಝಿಯಾಗಿರುವ ನವನಟಿ ಸಂಗೀತಾ ಶೃಂಗೇರಿ ತಮ್ಮ ಲಾಕ್‌ಡೌನ್‌ ಡೈರಿಯನ್ನು ಇಲ್ಲಿ ಹಂಚಿಕೊಂಡಿದ್ದಾರೆ..
“ಕೋವಿಡ್ ಲಾಕ್‌ಡೌನ್‌ ಇಲ್ಲದಿದ್ದರೆ, ಎಂದಿನಂತೆನನ್ನ ಸಿನಿಮಾ ಕೆಲಸಗಳಲ್ಲಿ ಬಿಝಿಯಾಗಿರುತ್ತಿದೆ. ಆದ್ರೆ ಈಗ ಅನಿವಾರ್ಯವಾಗಿ ಮನೆಯಲ್ಲೇ ಇರಬೇಕಾಗಿದೆ. ತುಂಬಾ ದಿನಗಳ ಬಳಿಕ ಮನೆಯಲ್ಲಿ ಫ್ಯಾಮಿಲಿ ಜೊತೆ ಇರೋದಕ್ಕೆ ಖುಷಿಯಾಗುತ್ತಿದೆ. ಆದ್ರೆ ಸಿನಿಮಾ ಕೆಲಸಗಳು ಇಲ್ಲವಲ್ಲ ಅಂಥ ಬೇಜಾರು ಕೂಡ ಆಗ್ತಿದೆ. ಆದ್ರೆ ಎಲ್ಲರೂ ಸೇಫ್ ಆಗಿರಬೇಕು, ಎಲ್ಲರಿಗೂ ಒಳ್ಳೆಯ ದಾಗಬೇಕು ಅಂಥ ಉದ್ದೇಶದಿಂದ ಲಾಕ್‌ಡೌನ್‌ ಮಾಡಿರೋದ್ರಿಂದ ನಾವೆಲ್ಲರೂ ಸಪೋರ್ಟ್‌ ಮಾಡಲೇಬೇಕು’ ಇದು ನಟಿ ಸಂಗೀತಾ ಶೃಂಗೇರಿ ಮಾತು.
ಇದನ್ನೂ ಓದಿ:ಲಂಕಾ ಪ್ರವಾಸಕ್ಕೆ ತಂಡ ಪ್ರಕಟ; ಧವನ್ ನಾಯಕತ್ವ, ಪಡಿಕ್ಕಲ್ ಸೇರಿ ಮೂವರು ಕನ್ನಡಿಗರಿಗೆ ಸ್ಥಾನ
ಮನೆಯಲ್ಲೇ ಸಿನಿಮಾ ಹೋಮ್‌ವರ್ಕ್‌ ಕಳೆದ ಒಂದು ತಿಂಗಳಿನಿಂದ ಲಾಕ್‌ಡೌನ್‌ನಿಂದಾಗಿ ಮನೆಯಲ್ಲೇ ಇರುವ ಸಂಗೀತಾ ಶೃಂಗೇರಿ, ಸದ್ಯ ತಮ್ಮ ಮುಂದಿನ ಸಿನಿಮಾಗಳಿಗಾಗಿ ಒಂದಷ್ಟು ಹೋಮ್‌ ವರ್ಕ್‌ ಮಾಡಿಕೊಳ್ಳುತ್ತಿದ್ದಾರೆ. ಈ ಬಗ್ಗೆ ಮಾತನಾಡುವ ಸಂಗೀತಾ, “ಸದ್ಯ ನಾನು ಅಭಿನಯಿಸಿರುವ “ಚಾರ್ಲಿ 777′ ಸಿನಿಮಾ ರಿಲೀಸ್‌ಗೆ ರೆಡಿಯಾಗಿದೆ. ಲಾಕ್‌ಡೌನ್‌ ಇರೋದ್ರಿಂದ ಹೊರಗೆಲ್ಲೂ ಹೋಗಿ ಸಿನಿಮಾ ಪ್ರಮೋಶನ್ಸ್‌ ಮಾಡುವಂತಿಲ್ಲ. ಹಾಗಾಗಿ ಆಲ್‌ ಲೈನ್‌, ಸೋಶಿಯಲ್‌ ಮೀಡಿಯಾದಲ್ಲೇ ನಾನು, ನಮ್ಮ ಟೀಮ್‌ ಒಂದಷ್ಟು ಸಿನಿಮಾದ ಪ್ರಮೋಶನ್ಸ್‌ ಕೆಲಸ ಮಾಡುತ್ತಿದ್ದೇವೆ. ಮುಖ್ಯವಾಗಿ ಇದು ನಮಗೆ ಒಂದು ಸವಾಲು. ಜೊತೆಗೆ ನಮಗೆ ಹಾಗೂ ನಮ್ಮ ಫ್ಯಾಮಿಲಿಗೆ ಸಮಯ ಕೊಡಲು ಸಿಕ್ಕ ಒಂದು ಅದ್ಭುತ ಅವಕಾಶ. ನಾನು ಅದನ್ನು ಸದುಪಯೋಗ ಪಡಿಸಿಕೊಳ್ಳುತ್ತಿದ್ದೇನೆ’ ಎಂದು ಹೇಳುವ ಸಂಗೀತಾ, ಇತ್ತೀಚೆಗೆ ಕರ್ಣನ್‌ ಸಿನಿಮಾ ನೋಡಿ ಖುಷಿ ಪಟ್ಟಿದ್ದಾರೆ. ಜೊತೆಗೆ ಯೋಗ, ಅಡುಗೆಯಲ್ಲಿ ಬಿಝಿಯಾಗುತ್ತಾ ಸಮಯ ಕಳೆಯುತ್ತಿದ್ದಾರೆ.
ಸೇಫ್ ಆಗಿರೋದು ಮುಖ್ಯ
ಎಲ್ಲರೂ ಕೊರೊನಾದಿಂದ ದೂರವಿದ್ದು, ಸೇಫ್ ಆಗಿರೋದು ಕೂಡಾ ಮುಖ್ಯ ಎಂಬುದು ಸಂಗೀತಾ ಮಾತು. “ಆದಷ್ಟು ಹೊರಗಿನ ಓಡಾಟ ಕಡಿಮೆ ಮಾಡಿ. ಮನೆಯಲ್ಲೇ ಇದ್ದು ಹೊಸದಾಗಿ ಏನು ಮಾಡಬೇಕು ಅಂಥ ಯೋಚಿಸಿದರೆ, ಹತ್ತಾರು ಮಾರ್ಗಗಳು ಸಿಗುತ್ತವೆ. ಬೇರೆಯವರಿಗಿಂತ ನಾವೂ ಸೇಫ್ ಆಗಿದ್ದು, ನಮ್ಮಿಂದ ಬೇರೆಯವರಿಗೆ ತೊಂದರೆಯಾಗದಂತೆ ಜಾಗೃತೆ ವಹಿಸಬೇಕು’ ಎಂಬುದು ಸಂಗೀತಾ ಮಾತು
