ಪ್ರಭುದೇವ ಜತೆ‌ ಡ್ಯಾನ್ಸ್‌ ಥ್ರಿಲ್‌ ಕೊಟ್ಟಿತು!  ಕನಸು ನನಸಾದ ಖುಷಿಯಲ್ಲಿ ಸಂಯುಕ್ತಾ

ನಟ ಪ್ರಭುದೇವ ಜೊತೆ ಸಂಯುಕ್ತಾ ಹೆಗ್ಡೆ ಅಭಿನಯಿಸಿರುವ ತಮಿಳು ಚಿತ್ರ “ಥೀಲ್’ ಇದೇ ಜನವರಿ 14ಕ್ಕೆ ತೆರೆಕಂಡಿದೆ. ಇದರ ಬೆನ್ನಲ್ಲೇ “ಥೀಲ್‌’ನ “ವಾಟುರ ಥೀಟುರ…’ ಎಂಬ ವೀಡಿಯೋ ಸಾಂಗ್‌ ಯೂ-ಟ್ಯೂಬ್‌ನಲ್ಲಿ ರಿಲೀಸ್‌ ಆಗಿದ್ದು, ನೋಡುಗರ ಗಮನ ಸೆಳೆಯುತ್ತಿದೆ.

ಇನ್ನು ಈ ಹಾಡಿನ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಖುಷಿ ಹಂಚಿಕೊಂಡಿರುವ ಸಂಯುಕ್ತಾ, “ಚಿಕ್ಕವಯಸ್ಸಿನಲ್ಲೇ ನನಗೆ, ಪ್ರಭುದೇವ ಅವರೊಂದಿಗೆ ಡ್ಯಾನ್ಸ್‌ ಮಾಡಬೇಕು ಎಂಬುದೊಂದು ಕನಸಿತ್ತು. ಆ ಕನಸು ಈಗ ಈಡೇರಿದೆ. “ಥೀಲ್‌’ನಲ್ಲಿ ನಾನು ಪ್ರಭುದೇವ ಅವರೊಂದಿಗೆ ಕೇವಲ ಅಭಿನಯಿಸಲು ಮಾತ್ರವಲ್ಲ, ಒಂದು ಹಾಡಿನಲ್ಲೂ ಕಾಣಿಸಿಕೊಂಡಿದ್ದೇನೆ. ಪ್ರಭುದೇವ ಅವರನ್ನು ನೋಡಿಯೇ ನನಗೆ ಡ್ಯಾನ್ಸ್‌ ನಲ್ಲಿ ಹೆಚ್ಚು ಆಸಕ್ತಿ ಹುಟ್ಟಿತು. ಅವರು ತುಂಬ ನೈಜವಾಗಿ ಡ್ಯಾನ್ಸ್‌ ಮಾಡುತ್ತಾರೆ. ಅವರೊಂದಿಗೆ ಡ್ಯಾನ್ಸ್‌ ಮಾಡಲು ಅವಕಾಶ ಸಿಕ್ಕಿರೋದು ನನಗೆ ಹೆಮ್ಮೆ ಎನ್ನಿಸುತ್ತಿದೆ. ನನ್ನ ಕನಸು ನನಸಾದ ಕ್ಷಣ ಇದು’ ಎಂದು ಬರೆದುಕೊಂಡಿದ್ದಾರೆ.

ಇದನ್ನೂ ಓದಿ:ಸಮನ್ವಿ ಮತ್ತೆ ಮಗಳಾಗಿ ಹುಟ್ಟಿ ಬರಲಿ: ಅಮೃತಾ ಪ್ರಾರ್ಥನೆ