ಸ್ಯಾಮ್‌ ಕರನ್‌ಗೆ ನೆಗೆಟಿವ್‌: ಅಭ್ಯಾಸಕ್ಕೆ ಅನುಮತಿ

ಸೌತಾಂಪ್ಟನ್‌: ಇಂಗ್ಲೆಂಡಿನ ಆಲ್‌ರೌಂಡರ್‌ ಸ್ಯಾಮ್‌ ಕರನ್‌ ಅವರ ಕೋವಿಡ್‌-19 ಫಲಿತಾಂಶ ಒಂದೇ ದಿನದಲ್ಲಿ ಪಾಸಿಟಿವ್‌ನಿಂದ ನೆಗೆಟಿವ್‌ಗೆ ತಿರುಗಿದೆ.

ಇದರಿಂದ ಅವರು ಪ್ರವಾಸಿ ವೆಸ್ಟ್‌ ಇಂಡೀಸ್‌ ಎದುರಿನ ಮೊದಲ ಟೆಸ್ಟ್‌ ಪಂದ್ಯಕ್ಕಾಗಿ ಅಭ್ಯಾಸ ಆರಂಭಿಸಲಿದ್ದಾರೆ ಎಂದು ಇಸಿಬಿ ತಿಳಿಸಿದೆ.

“ಸರ್ರೆ ಆಲ್‌ರೌಂಡರ್‌ ಸ್ಯಾಮ್‌ ಕರನ್‌ ಅನಾರೋಗ್ಯಕ್ಕೆ ತುತ್ತಾಗಿದ್ದು, ಕೋವಿಡ್‌-19 ಪರೀಕ್ಷೆ ವೇಳೆ ಗುರುವಾರ ರಾತ್ರಿ ಪಾಸಿಟಿವ್‌ ಫಲಿತಾಂಶ ಬಂದಿತ್ತು. ಆದರೆ ಶುಕ್ರವಾರ ಇದು ನೆಗೆಟಿವ್‌ ಆಗಿದೆ.

ಈ ಅವಧಿಯಲ್ಲಿ ಅವರು ಏಗಸ್‌ ಬೌಲ್‌ನ ಹೊಟೇಲ್‌ ಕೋಣೆಯಲ್ಲಿ ಸೆಲ್ಫ್ ಐಸೊಲೇಶನ್‌ಗೆ ಒಳಗಾಗಿದ್ದರು. ತಂಡದ ವೈದ್ಯರು ಅವರ ಆರೋಗ್ಯವನ್ನು ಗಮನಿಸುತ್ತಿದ್ದಾರೆ.

ಮುಂದಿನ 48 ಗಂಟೆ ಒಳಗಾಗಿ ಅಭ್ಯಾಸಕ್ಕೆ ಇಳಿಯಲಿದ್ದಾರೆ’ ಎಂದು ಇಸಿಬಿ ತನ್ನ ಅಧಿಕೃತ ಪ್ರಕಟನೆಯಲ್ಲಿ ತಿಳಿಸಿದೆ.