“ಸೀತೆ’ಯಾಗಿ ಬಾಲಿವುಡ್‌ ಪ್ರವೇಶಿಸಲಿದ್ದಾರಾ “ರೌಡಿ ಬೇಬಿ’?

“ರೌಡಿ ಬೇಬಿ’ ಸಾಯಿ ಪಲ್ಲವಿ ಅವರು “ಸೀತೆ’ಯಾಗಿ ಬಾಲಿವುಡ್‌ ಜಗತ್ತಿಗೆ ಎಂಟ್ರಿಯಾಗಲಿದ್ದಾರಾ? ಹೌದೆಂದು ಹೇಳುತ್ತಿವೆ ಮೂಲಗಳು.

2019ರಲ್ಲೇ ನಿರ್ಮಾಪಕ ಅಲ್ಲು ಅರವಿಂದ್‌ ಅವರು “ರಾಮಾಯಣ’ ಎಂಬ ಬಿಗ್‌ ಬಜೆಟ್‌ ಸಿನಿಮಾ ನಿರ್ಮಾಣದ ಕುರಿತು ಘೋಷಿಸಿದ್ದರು. ಆದರೆ, ಚಿತ್ರದ ಪಾತ್ರಧಾರಿಗಳ ಬಗ್ಗೆ ಯಾವುದೇ ಮಾಹಿತಿ ಹೊರಬಿದ್ದಿರಲಿಲ್ಲ.

ಈಗ, ಈ ಪೌರಾಣಿಕ ಸಿನಿಮಾದಲ್ಲಿ ಸಾಯಿಪಲ್ಲವಿ “ಸೀತೆ’ಯ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂಬ ಗುಸುಗುಸು ಕೇಳಿಬರುತ್ತಿದೆ. ಇದು ಹೌದೆಂದಾದರೆ, ರಾಮಾಯಣವು ಬಾಲಿವುಡ್‌ನ‌ಲ್ಲಿ ಸಾಯಿಪಲ್ಲವಿ ಅವರ ಚೊಚ್ಚಲ ಚಿತ್ರವಾಗಲಿದೆ.

ಮುಂದಿನ ವರ್ಷವೇ ರಾಮಾಯಣ ಸಿನಿಮಾ ತೆರೆಗೆ ಬರುವ ಸಾಧ್ಯತೆಯಿದೆ.