ಪುಟಾಣಿ ಮಕ್ಕಳನ್ನು ಡೇ ಕೇರ್‌ನಲ್ಲಿ ಬಿಟ್ಟು ತಂದೆ ತಾಯಿ ಕೆಲಸಕ್ಕೆ ಹೋಗುವುದು ಸಾಮಾನ್ಯ. ಆದರೆ ಅದೇ ಡೇ ಕೇರ್‌ನ ಸಿಬ್ಬಂದಿ ಮಕ್ಕಳಿಗೆ ದೆವ್ವಗಳಂತೆ ಹೆದರಿಸಿ, ಅಳು ತರಿಸಿದ ವಿಚಾರವೊಂದು ಇದೀಗ ಭಾರೀ ಸದ್ದು ಮಾಡುತ್ತಿದೆ.
ಮಿಸ್ಸಿಸ್ಸಿಪ್ಪಿಯ ಲಿಲ್‌ ಬ್ಲೆಸ್ಸಿಂಗ್‌ ಚೈಲ್ಡ್‌ ಕೇರ್‌ ಕೇಂದ್ರದಲ್ಲಿ ಈ ರೀತಿಯ ಘಟನೆ ನಡೆದಿದೆ.
ಸಿಬ್ಬಂದಿಯೊಬ್ಬರು ದೆವ್ವದ ಮುಖವಾಡ ಹಾಕಿಕೊಂಡು ಕೇಂದ್ರದಲ್ಲಿದ್ದ ಮಕ್ಕಳಿಗೆಲ್ಲ ಹೆದರಿಸಿದ್ದಾರೆ. ಮಕ್ಕಳೆಲ್ಲರೂ ಜೋರಾಗಿ ಅತ್ತಿದ್ದಾರೆ.
ಈ ವಿಡಿಯೋ ಎಲ್ಲೆಡೆ ಹರಿದಾಡಿದ ತಕ್ಷಣ ಎಚ್ಚೆತ್ತುಕೊಂಡಿರುವ ಸ್ಥಳೀಯ ಆಡಳಿತವು ನಾಲ್ವರು ಸಿಬ್ಬಂದಿಯನ್ನು ಕೆಲಸದಿಂದ ಅಮಾನತು ಮಾಡಿದೆ. ಪ್ರಕರಣದ ಬಗ್ಗೆ ತನಿಖೆಯೂ ಜಾರಿಯಲ್ಲಿದೆ.
