ಕಾಂಗ್ರೆಸ್‌ ಸರಕಾರದ ವಿರುದ್ಧವೇ ಸಚಿನ್‌ ಪೈಲಟ್‌ ನಿರಶನ

ಜೈಪುರ: ರಾಜಸ್ಥಾನದಲ್ಲಿ ತಮ್ಮದೇ ಪಕ್ಷದ ಸಿಎಂ ಅಶೋಕ್ ಗೆಹ್ಲೋಟ್ ನೇತೃತ್ವದ ಸರಕಾರದ ವಿರುದ್ಧ ಕಾಂಗ್ರೆಸ್‌ ನಾಯಕ ಸಚಿನ್‌ ಪೈಲಟ್‌ ಮಂಗಳವಾರ ನಿರಶನ ನಡೆಸಿದರು.

ರಾಜಸ್ಥಾನದಲ್ಲಿ ಮಾಜಿ ಮುಖ್ಯಮಂತ್ರಿ ವಸುಂಧರಾ ರಾಜೇ ನೇತೃತ್ವದ ಬಿಜೆಪಿ ಸರಕಾರದ ಅವಧಿಯಲ್ಲಿ ನಡೆದ ಭ್ರಷ್ಟಾಚಾರದ ವಿರುದ್ಧ ಕಾಂಗ್ರೆಸ್‌ ಸರಕಾರಯಾವುದೇ ಕ್ರಮ ಕೈಗೊಳ್ಳದ್ದನ್ನು ಖಂಡಿಸಿ ಸಚಿನ್‌ ಪೈಲಟ್‌ ನಿರಶನ ಮಾಡಿದ್ದಾರೆ. ಇದು ಗೆಹ್ಲೋಟ್ ವಿರುದ್ಧದ ಶಕ್ತಿಪ್ರದರ್ಶನ ಎಂದೂ ವಿಶ್ಲೇಷಿಸಲಾಗಿದೆ.

ಕಾಂಗ್ರೆಸ್‌ ಹೈಕಮಾಂಡ್‌ನಿಂದ “ಪಕ್ಷ ವಿರೋಧಿ ಚಟುವಟಿಕೆಯ’ ಎಚ್ಚರಿಕೆಯ ಹೊರತಾಗಿಯೂ ಸಚಿನ್‌ ಪೈಲಟ್‌ ಅವರು ಜೈಪುರದ ಹುತಾತ್ಮರ ಸ್ಮಾರಕದ ಎದುರು ನಿರಶನ ನಡೆಸಿದರು. ರಾಜಸ್ಥಾನದಲ್ಲಿ ಇನ್ನು ಕೆಲವು ತಿಂಗಳಲ್ಲಿ ವಿಧಾನಸಭೆ ಚುನಾವಣೆ ಇದೆ. ಈ ಹಂತದಲ್ಲಿ ಸಿಎಂ ಗೆಹ್ಲೋಟ್ ಮತ್ತು ಮಾಜಿ ಡಿಸಿಎಂ ಪೈಲಟ್‌ ನಡುವಿನ ಗುದ್ದಾಟ ಕಾಂಗ್ರೆಸ್‌ಗೆ ನುಂಗಲಾರದ ತುತ್ತಾಗಿದೆ.

ಇತ್ತ ಪೈಲಟ್‌ ಉಪವಾಸ ಸತ್ಯಾಗ್ರಹ ನಡೆಸಿದರೆ, ಅತ್ತ ಸಿಎಂ ಗೆಹ್ಲೋಟ್ ಅವರು ತಮ್ಮ ಸರಕಾರಕ ೈಗೊಂಡ ಜನಪರ ಕಾರ್ಯಕ್ರಮಗಳ ವಿವರವುಳ್ಳ ವೀಡಿಯೋವನ್ನು ಬಿಡುಗಡೆ ಮಾಡಿದ್ದಾರೆ.