ಬಾಂಗ್ಲಾ ಟೈಗರ್ ತಂಡಕ್ಕೆ ಭಾರತ ತಂಡದ ಮಾಜಿ ವೇಗಿ ಶ್ರೀಶಾಂತ್‌ ಮೆಂಟರ್‌

ಢಾಕಾ: ಭಾರತ ತಂಡದ ಮಾಜಿ ವೇಗಿ ಎಸ್‌. ಶ್ರೀಶಾಂತ್‌ ಸ್ಪರ್ಧಾತ್ಮಕ ಕ್ರಿಕೆಟ್‌ಗೆ ಮರಳಿದ್ದಾರೆ.

ಅಬುಧಾಬಿ ಟಿ10 ಕ್ರಿಕೆಟ್‌ ಲೀಗ್‌ನಲ್ಲಿ ಅವರು ಬಾಂಗ್ಲಾ ಟೈಗರ್ ತಂಡದ ಮೆಂಟರ್‌ ಆಗಿ ಕರ್ತವ್ಯ ನಿಭಾಯಿಸಲಿದ್ದಾರೆ.

ಬಾಂಗ್ಲಾದೇಶದ ಈ ತಂಡಕ್ಕೆ ಇಲ್ಲಿನ ಮಾಜಿ ಆಲ್‌ರೌಂಡರ್‌ ಅಫ್ತಾಬ್‌ ಅಹ್ಮದ್‌ ಪ್ರಧಾನ ಕೋಚ್‌, ನಜ್ಮುಲ್‌ ಅಬೆದಿನ್‌ ಫಾಹಿಮ್‌ ಸಹಾಯಕ ಕೋಚ್‌ ಆಗಿರುವರು.

ಶಕಿಬ್‌ ಅಲ್‌ ಹಸನ್‌ ನಮ್ಮ ಐಕಾನಿಕ್‌ ಆಟಗಾರನಾಗಿದ್ದಾರೆ ಎಂಬುದಾಗಿ ಬಾಂಗ್ಲಾ ತಂಡದ ಮಾಲಕ ಮೊಹಮ್ಮದ್‌ ಯಾಸಿನ್‌ ಚೌಧರಿ ಹೇಳಿದರು.