ವನಿತಾ ಅಂಡರ್ 19 ವಿಶ್ವಕಪ್: ವೆಸ್ಟ್ ವಿಂಡೀಸ್ ವಿರುದ್ಧ ಗೆದ್ದು ಇತಿಹಾಸ ನಿರ್ಮಿಸಿದ ರವಾಂಡ

ಪೊಚೆಸ್ಟ್ರಾಮ್: ಚೊಚ್ಚಲಾ ವನಿತಾ ಅಂಡರ್ 19 ವಿಶ್ವಕಪ್ ಕೂಟದಲ್ಲಿ ರವಾಂಡ ತಂಡವು ವೆಸ್ಟ್ ಇಂಡೀಸ್ ವಿರುದ್ಧ ಗೆದ್ದು ಸಾಹಸ ಮೆರೆದಿದೆ. ಕಡಿಮೆ ಸ್ಕೋರ್ ನ ಪಂದ್ಯದಲ್ಲಿ ರವಾಂಡ ತಂಡವು ನಾಲ್ಕು ವಿಕೆಟ್ ಅಂತರದಲ್ಲಿ ಗೆಲುವು ಸಾಧಿಸಿತು.

ಮೊದಲು ಬ್ಯಾಟಿಂಗ್ ಮಾಡಿ ವೆಸ್ಟ್ ಇಂಡೀಸ್ ತಂಡವು 16.3 ಓವರ್ ಗಳಲ್ಲಿ ಕೇವಲ 70 ರನ್ ಗೆ ಆಲೌಟಾಯಿತು. ಸುಲಭ ಗುರಿ ಬೆನ್ನತ್ತಿದ ರವಾಂಡ 18.2 ಓವರ್ ಗಳಲ್ಲಿ ಆರು ವಿಕೆಟ್ ನಷ್ಟಕ್ಕೆ 71 ರನ್ ಗಳಿಸಿ ಜಯ ಸಾಧಿಸಿತು.

ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ಕೆ ಮಾಡಿದ ವೆಸ್ಟ್ ಇಂಡೀಸ್ ತಂಡದಲ್ಲಿ ಆರಂಭಿಕ ಆಟಗಾರ್ತಿ ರೀಲಾನ್ನ ಗ್ರಿಮಾಂಡ್ ಹೊರತುಪಡಿಸಿ ಉಳಿದ ಯಾರೂ ಎರಡಂಕಿ ಮೊತ್ತ ಗಳಿಸಲಿಲ್ಲ. ರೀಲಾನ್ನ 18 ರನ್ ಮಾಡಿದರು. ರವಾಂಡ ಪರ ಬಿಗು ದಾಳಿ ಸಂಘಟಿಸಿದ ಸಿಲ್ವಿಯಾ ಉಸಾಬೈಮನ ಮತ್ತು ಮಾರಿ ತುಮುಕುಂಡೆ ತಲಾ ನಾಲ್ಕು ವಿಕೆಟ್ ಪಡೆದು ವಿಂಡೀಸ್ ಗೆ ಕಡಿವಾಣ ಹಾಕಿದರು.

ಇದನ್ನೂ ಓದಿ:‘ಭೀಮ’ ಫ‌ಸ್ಟ್‌ ಲುಕ್‌ ಟೀಸರ್‌ ಗೆ ಮೆಚ್ಚುಗೆ

71 ರನ್ ಗುರಿ ಪಡೆದ ರವಾಂಡ ತಂಡಕ್ಕೆ ನಾಯಕಿ ಗಿಸೆಲೆ ಇಶಿಮ್ವೆ ಅಜೇಯ 31 ರನ್ ಗಳಿಸಿ ನೆರವಾದರು. ಆರಂಭಿಕ ಆಟಗಾರ್ತಿ ಮೆರವಿಲ್ಲೆ 10 ರನ್, ತುಯಿಜೆರೆ 12 ರನ್ ಮಾಡಿದರು.