ಪಾಕ್‌ ಜೊತೆಗೆ ಸೀಮಿತ ಸಹಕಾರ, ಭಾರತ ನಂಬಿಗಸ್ಥ ಪಾಲುದಾರ: ರಷ್ಯಾ

ನವದೆಹಲಿ: ಪಾಕಿಸ್ತಾನದ ಜೊತೆಗೆ ರಷ್ಯಾ ಸೀಮಿತ ಸಹಕಾರ ಮಾತ್ರ ಹೊಂದಲಿದೆ. ಇದರಿಂದ ಭಾರತ-ರಷ್ಯಾದ ಸಂಬಂಧಕ್ಕೆ ಧಕ್ಕೆಯಿಲ್ಲ. ಭಾರತ ಯಾವಾಗಲೂ ರಷ್ಯಾದ ನಂಬಿಗಸ್ಥ ಪಾಲುದಾರ ಎಂದು ರಷ್ಯಾದ ರಾಯಭಾರಿ ನಿಕೊಲಾಯ್‌ ಕುದಶೆವ್‌ ಹೇಳಿದ್ದಾರೆ.

ಇತ್ತೀಚೆಗೆ ಭಾರತದ ಮಿತ್ರರಾಷ್ಟ್ರ ರಷ್ಯಾದ ವಿದೇಶಾಂಗ ಸಚಿವ ಸೆರ್ಗೆಯ್‌ ಲಾವ್ರೊವ್‌ ಪಾಕಿಸ್ತಾನಕ್ಕೆ ಭೇಟಿ ನೀಡಿದ್ದರು. ಅದಾದ ನಂತರ ಭಾರತಕ್ಕೆ ಬಂದಿದ್ದರು. ಇದರ ವಿರುದ್ಧ ಅಲ್ಲಲ್ಲಿ ಅನುಮಾನಗಳು ವ್ಯಕ್ತವಾಗಿದ್ದವು. ಇದರ ಬಗ್ಗೆ ಸ್ಪಷ್ಟನೆ ನೀಡಿರುವ ರಷ್ಯಾ ಆಯೋಗದ ಉಪಾಧ್ಯಕ್ಷ ರೋಮನ್‌ ಬಾಬುಶ್ಕಿನ್‌, ನಾವು ಪಾಕಿಸ್ತಾನಕ್ಕೆ ಭೇಟಿ ನೀಡಿದ್ದರ ಬಗ್ಗೆ ತಪ್ಪು ತಿಳಿದುಕೊಳ್ಳುವ ಅಗತ್ಯವೇ ಇಲ್ಲ.

ಭಾರತದೊಂದಿಗೆ ಭಿನ್ನಾಭಿಪ್ರಾಯವಿದೆ ಎಂದೂ ಭಾವಿಸಬಾರದು ಎಂದಿದ್ದಾರೆ.

ಇದನ್ನೂ ಓದಿ :ಸುಶಾಂತ್‌ ಸಾವು ಪ್ರಕರಣ : ಫ್ಲ್ಯಾಕೊ ಬಂಧನಕ್ಕೆ ಎನ್‌ಸಿಬಿ ತಯಾರಿ