Ukraine ವಿರುದ್ಧ ಯುದ್ಧದ ಪರಿಣಾಮ: ವಿಶ್ವಸಂಸ್ಥೆ ಚುನಾವಣೆಯಲ್ಲಿ Russiaಕ್ಕೆ ಮುಖಭಂಗ

ನ್ಯೂಯಾರ್ಕ್‌: ವಿಶ್ವಸಂಸ್ಥೆಯ ಮೂರು ಅಂಗಸಂಸ್ಥೆಗಳಿಗೆ ನಡೆದ ಚುನಾವಣೆಯಲ್ಲಿ ರಷ್ಯಾ ಸೋತಿದೆ. ಉಕ್ರೇನ್‌ ವಿರುದ್ಧ ರಷ್ಯಾ ಕೈಗೊಂಡಿರುವ ಯುದ್ಧದ ಪರಿಣಾಮ ಇಲ್ಲಿ ಪ್ರತಿಫ‌ಲಿಸಿದೆ.

ವಿಶ್ವಸಂಸ್ಥೆಯ ಆರ್ಥಿಕ ಮತ್ತು ಸಾಮಾಜಿಕ ಮಂಡಳಿ(ಇಸಿಒಎಸ್‌ಒಸಿ)ಗೆ ನಡೆದ ಚುನಾವಣೆಯಲ್ಲಿ ರೊಮೇನಿಯ ವಿರುದ್ಧ ರಷ್ಯಾ ಸೋತಿದೆ. ಅದೇ ರೀತಿ ಯುನೈಟೆಡ್‌ ನೇಷನ್ಸ್‌ ಚಿಲ್ಡ್ರನ್ಸ್‌ ಫಂಡ್ (ಯುಎನ್‌ಐಸಿಇಎಫ್)ಗೆ ನಡೆದ ಚುನಾವಣೆಯಲ್ಲಿ ಎಸ್ತೋನಿಯ ವಿರುದ್ಧ ಪರಾಭವಗೊಂಡಿತು.

ಹಾಗೆಯೇ ವಿಶ್ವಸಂಸ್ಥೆಯ ಅಪರಾಧ ತಡೆ ಮತ್ತು ಕ್ರಿಮಿನಲ್‌ ನ್ಯಾಯ ಆಯೋಗಕ್ಕೆ ನಡೆದ ಚುನಾವಣೆಯಲ್ಲಿ ಅರ್ಮೇನಿಯ ಮತ್ತು ಚೆಕ್‌ ರಿಪಬ್ಲಿಕ್‌ ವಿರುದ್ಧ ರಷ್ಯಾ ಸೋತಿದೆ. ವೀಟೋ ಪವರ್‌ ಹೊಂದಿದ್ದರೂ ರಷ್ಯಾಕ್ಕೆ ಎದುರಾಗಿರುವ ಈ ಸೋಲು ಜಾಗತಿಕವಾಗಿ ಅದು ಗೌರವವನ್ನು ಕಳೆದುಕೊಂಡಿರುವ ಸ್ಪಷ್ಟ ನಿದರ್ಶನವಾಗಿದೆ.