ಭಾರತ-ರಶ್ಯ ದ್ವಿಪಕ್ಷೀಯ ಬಾಂಧವ್ಯ ವೃದ್ದಿ: ಮೋದಿಗೆ ರಶ್ಯದ ಪರಮೋಚ್ಚ ಗೌರವ

ಹೊಸದಿಲ್ಲಿ : ಪ್ರಧಾನಿ ನರೇಂದ್ರ ಮೋದಿ ಅವರಿಗೆ ರಶ್ಯ ಸರಕಾರದ ಅತ್ಯುನ್ನತ “ದಿ ಆರ್ಡರ್‌ ಆಫ್ ಸೈಂಟ್‌ ಆ್ಯಂಡ್ರೂ ದಿ ಅಪಾಸ್ಟಲ್‌’ ಗೌರವವನ್ನು ನೀಡಲಾಗಿದೆ.

ಭಾರತ-ರಶ್ಯ ನಡುವಿನ ದ್ವಿಪಕ್ಷೀಯ ಬಾಂಧವ್ಯವನ್ನು ಉತ್ತುಂಗಕ್ಕೆ ಒಯ್ಯುವಲ್ಲಿನ ಪ್ರಧಾನಿ ಮೋದಿ ಅವರ ಕಾಣಿಕೆಯನ್ನು ಪುರಸ್ಕರಿಸಿ ಈ ಗೌರವ ನೀಡಲಾಗಿದೆ.

ಭಾರತ ಮತ್ತು ರಶ್ಯ ನಡುವಿನ ವಿಶೇಷ ಮತ್ತು ವ್ಯೂಹಗಾರಿಕೆಯ ಪಾಲುದಾರಿಕೆಯನ್ನು ಉನ್ನತ ಮಟ್ಟಕ್ಕೆ ಒಯ್ಯುವಲ್ಲಿ ಮೋದಿ ನೀಡಿರುವ ಅಸಾಮಾನ್ಯ ಸೇವೆಯನ್ನು ಪರಿಗಣಿಸಿ ಅವರಿಗೆ ತಾನು ಈ ಪರಮೋಚ್ಚ ಗೌರವ ನೀಡುತ್ತಿರುವುದಾಗಿ ರಶ್ಯ ಸರಕಾರ ಹೇಳಿದೆ.

ಮೋದಿ ಅವರಿಗೆ ಈ ಗೌರವವನ್ನು ನೀಡುವ ಕಾರ್ಯನಿರ್ವಾಹಕ ಆದೇಶಕ್ಕೆ ರಶ್ಯ ಅಧ್ಯಕ್ಷ ವ್ಲಾದಿಮಿರ್‌ ಪುಟಿನ್‌ ಅವರು ಸಹಿ ಹಾಕಿದ್ದಾರೆ.