ರೂಲ್ ಆಫ್ 72 : ನಿಮ್ಮ ಹಣ ಹೇಗೆ ದುಪ್ಪಟ್ಟುಗೊಳಿಸಬಹುದು..?!

ನವ ದೆಹಲಿ : ನಿಮ್ಮ ಹಣವನ್ನು ದುಪ್ಪಟ್ಟುಗೊಳಿಸಿಕೊಳ್ಳಲು ಎಷ್ಟು ಸಮಯ ತೆಗೆದುಕೊಳ್ಳುತ್ತದೆ ಎಂದು ಎಂದಾದರೂ ಯೋಚಿಸಿದ್ದೀರಾ..? ಸರಳ ತಂಬ್ ರೂಲ್ ನ ಸಹಾಯದ ಮೂಲಕ ನೀವು ಅದನ್ನು ತಿಳಿದುಕೊಳ್ಳಬಹುದಾಗಿದೆ.

ಈ ತಂಬ್ ರೂಲ್ ನ ಪ್ರಕಾರ, ಆದಾಯದ ಬಡ್ಡಿದರವನ್ನು 72 ರಿಂದ ಭಾಗಿಸುವುದರ ಮೂಲಕ ನಿಮ್ಮ ಹೂಡಿಕೆಗಳನ್ನು ದುಪ್ಪಟ್ಟುಗೊಳಿಸಲು ಎಷ್ಟು ಸಮಯ ಬೇಕಾಗುತ್ತದೆ ಎಂದು ತಿಳಿಯಲು ಸಾಧ್ಯ.

ಓದಿ : ಟೀ ಮಾರಿ ಕೋಟ್ಯಧಿಪತಿಯಾದ 22ರ ಯುವಕ : ಅರ್ಧಕ್ಕೆ ಶಿಕ್ಷಣ ಬಿಟ್ಟವ ಕುಬೇರನಾದ ರಿಯಲ್ ಕಹಾನಿ

ಉದಾಹರಣೆಯೊಂದಿಗೆ ವಿವರಿಸುವುದಾದರೇ, ನೀವು 1 ಲಕ್ಷವನ್ನು ಬ್ಯಾಂಕ್ ಸ್ಥಿರ ಠೇವಣಿಯಲ್ಲಿ ಶೇಕಡಾ 5 ಕ್ಕೆ ಹೂಡಿಕೆ ಮಾಡಲು ಬಯಸುತ್ತೀರಿ ಎಂದು ಭಾವಿಸೋಣ.  1 ಲಕ್ಷವು  2 ಲಕ್ಷ ಆಗಲು ತೆಗೆದುಕೊಳ್ಳುವ ಸಮಯವನ್ನು ತಿಳಿಯಲು 72 ಅನ್ನು ಬಡ್ಡಿದರದಿಂದ (5%) ಭಾಗಿಸಿ.  72/5 ಭಾಗಿಸಿದಾಗ 14.4 ವರ್ಷಗಳು ಬೇಕಾಗುತ್ತದೆ ಎಂದು ತಿಳಿಯುತ್ತದೆ. ಈ ರೂಲ್ ನ ಪ್ರಕಾರ, ನಿಮ್ಮ ಬಡ್ಡಿದರ 1 ಲಕ್ಷಕ್ಕೆ ಶೇಕಡಾ 5 ಆಗಿದ್ದರೆ ಪ್ರತಿ 14.4 ವರ್ಷಗಳಿಗೊಮ್ಮೆ, ನಿಮ್ಮ ಹಣ ದುಪ್ಪಟ್ಟಾಗುತ್ತದೆ.

ನಿಮ್ಮ ಇಕ್ವಿಟಿ ಆದಾಯವು ಪ್ರತಿವರ್ಷ ಸರಾಸರಿ ಶೇಕಡಾ 10 ಆಗಿದ್ದರೆ, ನಿಮ್ಮ ಹಣವು 7.2 ವರ್ಷಗಳಲ್ಲಿ (72/10) ದುಪ್ಪಟ್ಟಾಗುತ್ತದೆ.

ಒಂದು ನಿರ್ದಿಷ್ಟ ಸಮಯದಲ್ಲಿ ನಿಮ್ಮ ಹಣವನ್ನು ದುಪ್ಪಟ್ಟು ಮಾಡಿಕೊಳ್ಳಲು ಎಷ್ಟು ಬಡ್ಡಿದರ ಬೇಕು ಎಂದು ತಿಳಿಯಲು ನೀವು ಈ ರೂಲ್ ನ್ನು ಸ್ವಲ್ಪ ಬದಲಾಯಿಸಿಕೊಳ್ಳಬೇಕಾಗುತ್ತದೆ. ಉದಾಹರಣೆಗೆ, ನಿಮ್ಮ ಹಣವನ್ನು ನೀವು ಐದು ವರ್ಷಗಳಲ್ಲಿ ದುಪ್ಪಟ್ಟುಗೊಳಿಸಲು ಎಷ್ಟು ಬಡ್ಡಿದರದಲ್ಲಿ ನಾವು ಹಣ ಠೇವಣಿ ಮಾಡಬೇಕಾಗುತ್ತದೆ ಎಂದು ತಿಳಿದುಕೊಳ್ಳಲು, 72 ಅನ್ನು 5 ರಿಂದ ಭಾಗಿಸಿ, ಅದು ಶೇಕಡಾ. 14.4 ಆಗುತ್ತದೆ. ಆದ್ದರಿಂದ, ಐದು ವರ್ಷಗಳಲ್ಲಿ ನಿಮ್ಮ ಹಣವನ್ನು ದುಪ್ಪಟ್ಟುಗೊಳಿಸಲು ನಿಮಗೆ  ಶೇಕಡಾ 14.4 ಬಡ್ಡಿದರ ಬೇಕಾಗುತ್ತದೆ.

ಓದಿ : ‘ಯುವರತ್ನ’ ಬುಕಿಂಗ್‌ ಜೋರು: ಏ.1 ಚಿತ್ರ ರಿಲೀಸ್‌

ತಂಬ್ ರೂಲ್, ವರ್ಷಗಳಲ್ಲಿ ನಿಮ್ಮ ಹೂಡಿಕೆ ಹೇಗೆ ಕಂಪೌಂಡ್ ಮಾಡುತ್ತದೆ ಎಂಬುದನ್ನು ತಿಳಿಸುತ್ತದೆ. ಶೇಕಡಾ 5 ಬಡ್ಡಿದರದ.. ಫಿಕ್ಸಡ್ ಡೆಪೋಸಿಟ್ ರಿಟರರ್ನ್ ನಲ್ಲಿ, ನಿಮ್ಮ  1 ಲಕ್ಷ ಹೂಡಿಕೆ ಸುಮಾರು 29 ವರ್ಷಗಳಲ್ಲಿ 3 ಲಕ್ಷ ಮತ್ತು ಸುಮಾರು 43 ವರ್ಷಗಳಲ್ಲಿ 6 ಲಕ್ಷ ಆಗುತ್ತದೆ. ಕಂಪೌಂಡಿಂಗ್ ಕ್ಯಾಲ್ಕುಲೇಶನ್ ನನ್ನು ಸರಳೀಕರಿಸಲು ಈ ರೂಲ್ ನಿಮಗೆ ಸಹಾಯ ಮಾಡುತ್ತದೆ.

ಓದಿ : ಮಂಗಳೂರು ವಿಮಾನ ನಿಲ್ದಾಣ: ವಿಶೇಷ ವಿನ್ಯಾಸದ ಪಾದರಕ್ಷೆಯಲ್ಲಿ ಚಿನ್ನ ಕಳ್ಳಸಾಗಾಟ ಪತ್ತೆ