Ayodhya ರಾಮ ಮಂದಿರ ರಸ್ತೆಯಲ್ಲಿ 50 ಲ. ರೂ.ಮೌಲ್ಯದ ಲೈಟ್‌ಗಳ ಕಳವು!

ಅಯೋಧ್ಯೆ: ಇಲ್ಲಿನ ಪವಿತ್ರ ರಾಮಮಂದಿರವನ್ನು ಸಂಪರ್ಕಿಸುವ ರಸ್ತೆಯಲ್ಲಿ 3,800 ವಿದ್ಯುತ್‌ ದೀಪಗಳು ಮತ್ತು 36 ಗೋಬೋ ಪ್ರೊಜೆಕ್ಟರ್‌ಗಳನ್ನು ಕಳ್ಳತನ ಮಾಡಲಾಗಿದೆ.

ಇವುಗಳ ಮೌಲ್ಯ ಸುಮಾರು 50 ಲಕ್ಷ ರೂ. ಆಗಿದೆ. ಭಕ್ತಿ ಪಥ ಮತ್ತು ರಾಮಪಥದಲ್ಲಿ ಈ ಕಳ್ಳತನಗಳು ನಡೆದಿವೆ. ಇವುಗಳನ್ನು ಅಳವಡಿಕೆ ಮಾಡಿದ್ದ ಯಶ್‌ ಎಂಟರ್‌ಪ್ರೈಸಸ್‌ ಹಾಗೂ ಕೃಷ್ಣ ಆಟೋಮೊಬೈಲ್ಸ್‌ ಕಂಪೆನಿಗಳು ಪೊಲೀಸರಿಗೆ ದೂರು ನೀಡಿದೆ.

“ರಾಮಪಥದಲ್ಲಿ 6400 ದೀಪಗಳು ಮತ್ತು ಭಕ್ತಿ ಪಥದಲ್ಲಿ 96 ಪ್ರೊಜೆಕ್ಟರ್‌ಗಳನ್ನು ಅಳವಡಿಸಲಾಗಿತ್ತು. ಮಾ.19ರಂದು ಪರಿಶೀಲನೆ ನಡೆಸಿದಾಗ ಎಲ್ಲವೂ ಸರಿಯಿತ್ತು. ಆದರೆ ಮೇ 9ರಂದು ಒಂದಷ್ಟು ದೀಪಗಳು ಮತ್ತು ಪ್ರೊಜೆಕ್ಟರ್‌ಗಳು ಕಾಣೆಯಾಗಿವೆ’ ಎಂದು ದೂರಿನಲ್ಲಿ ಉಲ್ಲೇಖೀಸಲಾಗಿದೆ.