ಮುಂಬಯಿ ತರಬೇತಿ ಶಿಬಿರಕ್ಕೆ ರೋಹಿತ್‌ ಶರ್ಮ

ಮುಂಬಯಿ: ಕ್ರಿಕೆಟ್‌ ಬಿಡುವಿನ ವೇಳೆಯ ತರಬೇತಿ ಶಿಬಿರ ವನ್ನು ಆಯೋಜಿಸಿರುವ ಮುಂಬಯಿ ಕ್ರಿಕೆಟ್‌ ಅಸೋಸಿಯೇಶನ್‌, ಟೆಸ್ಟ್‌ ತಂಡದಿಂದ ಬೇರ್ಪಟ್ಟ ರೋಹಿತ್‌ ಶರ್ಮ ಅವರನ್ನೂ ಇದಕ್ಕೆ ಸೇರಿಸಿಕೊಂಡಿದೆ. ಮುಂಬರುವ ದೇಶಿ ಕ್ರಿಕೆಟ್‌ ಪಂದ್ಯಾವಳಿಯ ಹಿನ್ನೆಲೆಯಲ್ಲಿ ಈ ಶಿಬಿರ ನಡೆಯಲಿದೆ.

ಅಜಿಂಕ್ಯ ರಹಾನೆ ಕೂಡ ಈ ಯಾದಿಯಲ್ಲಿದ್ದಾರೆ. ಆದರೆ ಟೆಸ್ಟ್‌ ತಂಡದ ಉಪನಾಯಕನಾಗಿರುವ ಅವರು ಸದ್ಯ ಇಂಗ್ಲೆಂಡ್‌ ಪ್ರವಾಸ ದಲ್ಲಿರುವುದರಿಂದ ಈ ಶಿಬಿರದಿಂದ ಹೊರಗುಳಿಯುವರು. ಉಳಿದಂತೆ ಪ್ರತಿಭಾನ್ವಿತ ಆಟಗಾರರಾದ ಶ್ರೇಯಸ್‌ ಅಯ್ಯರ್‌, ಶಾದೂಲ್‌ ಠಾಕೂರ್‌, ಪೃಥ್ವಿ ಶಾ ಮೊದಲಾದವರೆಲ್ಲ ಈ ಶಿಬಿರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಶಿಬಿರಕ್ಕೆ ಆಯ್ಕೆಯಾಗಿರುವ ಮುಂಬಯಿ ತಂಡದ ಉಳಿದ ಪ್ರಮುಖ ಆಟಗಾರರೆಂದರೆ ಆದಿತ್ಯ ತಾರೆ, ಧವಳ್‌ ಕುಲಕರ್ಣಿ, ಸೂರ್ಯ ಕುಮಾರ್‌ ಯಾದವ್‌, ಅಖೀಲ್‌ ಹೆರ್ವಾಡ್ಕರ್‌, ಸಿದ್ದೇಶ್‌ ಲಾಡ್‌, ಕರ್ಶ್‌ ಕೊಠಾರಿ ಮೊದಲಾದವರು.