ಹೊಸದಿಲ್ಲಿ: ಸದ್ಯದಲ್ಲೇ ನೀವು ಹೈವೇ ಗಳಲ್ಲಿ ಸಂಚರಿಸುವಾಗ ರಸ್ತೆ ರಿಪೇರಿ ನಡೆ ಯುತ್ತಿದೆ.”ಬದಿಯಲ್ಲಿ ಸಂಚರಿಸಿ’ ಎಂದು ರೋಬೋಟ್‌ ಸೂಚಿಸಿದರೆ ಅಚ್ಚರಿಯೇನಿಲ್ಲ! ಏಕೆಂದರೆ, ಈಗಾಗಲೇ ಹೈವೇ ನಿರ್ಮಾಣ, ರಿಪೇರಿ ಗುತ್ತಿಗೆ ಪಡೆದಿರುವ ಕೆಲ ನಿರ್ಮಾಣ ಸಂಸ್ಥೆಗಳು ಈ “ಫ್ಲಾಗ್‌ಮನ್‌’ ಕೆಲಸ ನಿಭಾಯಿಸಲು ಯಂತ್ರಮಾನವರನ್ನು ಅಳವಡಿಸಿವೆ.
ಇದಕ್ಕಿನ್ನೂ ಕೇಂದ್ರದಿಂದ ಅನುಮತಿ ಸಿಕ್ಕಿಲ್ಲ. ಇದಕ್ಕೆ ಒಪ್ಪಿಗೆ ಸಿಕ್ಕಿದರೆ ಇನ್ನು ದೇಶದ ಹಲವಾರು ಹೈವೆಗಳಲ್ಲಿ ಯಾವುದಾದರೂ ಕಾಮಗಾರಿ ಕಣ್ಣಿಗೆ ಬೀಳುವ ಮೊದಲೇ ನಿಮಗೆ ರೋಬೋ ದರುಶನವಾಗಲಿದೆ!
ಹೇಗಿವೆ ಈ ರೋಬೋಗಳು?: ಈ ರೋಬೋಗಳನ್ನು ಪ್ಲಾಸ್ಟಿಕ್‌ ಹಾಗೂ ಭಾರವಿಲ್ಲದ ಲೋಹಗಳಿಂದ ತಯಾರಿಸಲಾ ಗಿರುತ್ತದೆ. ಹಗುರ ಲೋಹದ ಅಸ್ಥಿಪಂಜರ ಮೇಲೆ ಪ್ಲಾಸ್ಟಿಕ್‌ ಮಾದರಿಯ ಪದರದ ಮಾಂಸಖಂಡ, ಚರ್ಮ ಇರುವ ರೋಬೋಗಳಿವು. ಈ ಮಾದರಿಯ ರೋಬೋಗಳು ಸ್ಥಾನಿಕವಾಗಿದ್ದರೆ, ಮತ್ತೆ ಕೆಲವಕ್ಕೆ ಚಕ್ರಗಳನ್ನು ಅಳವಡಿಸಲಾಗಿದೆ.
ರೋಬೋಟ್‌ ಯಾಕೆ?: ಹೆದ್ದಾರಿಯಲ್ಲಿ ಕೆಲವೊಮ್ಮೆ ವೇಗವಾಗಿ ಬರುವ ವಾಹನಗಳು ಫ್ಲಾಗ್‌ಮನ್‌ಗಳಿಗೆ ಢಿಕ್ಕಿ ಹೊಡೆದು ಅವರನ್ನು ಗಾಯಗೊಳಿಸಿರುವ ಘಟನೆಗಳು ಸಾಕಷ್ಟು ನಡೆದಿದ್ದು, ಹೀಗಾಗಿಯೇ, ಮನುಷ್ಯರ ಬದಲಿಗೆ ರೋಬೋಗಳನ್ನು ನಿಲ್ಲಿಸಲು ತೀರ್ಮಾನಿಸಲಾಗಿದೆ ಎಂದು ಸದ್ಯಕ್ಕೆ ಈ ಮಾದರಿಯ ರೋಬೋಗಳನ್ನು ಉಪಯೋ ಗಿಸುತ್ತಿರುವ ಪ್ರಮುಖ ಕಂಪೆನಿಗಳು ಹೇಳಿವೆ ಎಂದು “ಬ್ಯುಸಿನೆಸ್‌ ಸ್ಟಾಂಡರ್ಡ್‌’ ಹೇಳಿದೆ.
ಮಾನವ ಫ್ಲಾಗ್‌ಮನ್‌ಗಳ ಬದಲಿಗೆ ಯಂತ್ರ ಮಾನವರು
ಹೆದ್ದಾರಿ ಕಾಮಗಾರಿ, ರಿಪೇರಿ ವೇಳೆ ಗುರುತರ ಸಹಾಯ
ಸಂಭಾವ್ಯ ಅಪಘಾತಗಳನ್ನು ತಪ್ಪಿಸಲು ಈ ಕ್ರಮ
