ಬ್ಯಾಂಕ್‌ ಉದ್ಯೋಗಿಯಾಗಿದ್ದುಕೊಂಡು 8 ಕೋಟಿ ರೂ. ಮೊತ್ತ ಎಗರಿಸಿದ ಖದೀಮ ಅಂದರ್‌

ತಿರುವನಂತಪುರ: ಬ್ಯಾಂಕ್‌ ಉದ್ಯೋಗಿಯಾಗಿದ್ದುಕೊಂಡು ಹಲವರ ಖಾತೆಗಳಿಂದ 8 ಕೋಟಿ ರೂ.ಗಳಿಗಿಂತಲೂ ಅಧಿಕ ಮೊತ್ತ ಎಗರಿಸಿದ ವಿಜೇಶ್‌ ವರ್ಗೀಸ್‌ ಎಂಬಾತನನ್ನು ಬೆಂಗಳೂರಿನಲ್ಲಿ ಬಂಧಿಸಲಾಗಿದೆ.

ಆತ ಪಟ್ಟನಂತಿಟ್ಟದಲ್ಲಿರುವ ಬ್ಯಾಂಕ್‌ವೊಂದರ ಶಾಖೆಯಲ್ಲಿ ಕ್ಲರ್ಕ್‌ ಆಗಿ ಕೆಲಸ ಮಾಡುತ್ತಿದ್ದಾನೆ. ಸಕ್ರಿಯವಾಗಿ ಇಲ್ಲದೇ ಇರುವ ನಿಗದಿತ ಠೇವಣಿಗಳನ್ನು ಗಮನಿಸಿ ಆ ಮೊತ್ತವನ್ನು ಲಪಟಾಯಿಸುವುದರಲ್ಲಿ ಆತ ಸಿದ್ಧಹಸ್ತನಾಗಿದ್ದಾನೆ.

ಫೆಬ್ರವರಿಯಲ್ಲಿ ಬ್ಯಾಂಕ್‌ ಉದ್ಯೋಗಿಯೊಬ್ಬರ ಠೇವಣಿ ಮೊತ್ತ ಕಬಳಿಸಿದ ಪ್ರಕರಣ ಬೆಳಕಿಗೆ ಬಂದ ಬಳಿಕ ವರ್ಗೀಸ್‌ನ ವಿವರ ಗೊತ್ತಾಗಿತ್ತು. ನೌಕಾಪಡೆಯಲ್ಲಿ ಕೆಲಸದಲ್ಲಿದ್ದ ಆತನ ಪತ್ತೆಗಾಗಿ ಪೊಲೀಸರು ವಿಶೇಷ ತಂಡ ರಚಿಸಿದ್ದರು.

ಇದನ್ನೂ ಓದಿ :ವಿವಾಹ ವಾರ್ಷಿಕೋತ್ಸವದ ದಿನದಂದೇ ಪತ್ನಿ ಸಾವು : ಕುಟುಂಬದ ಸಂಭ್ರಮಕ್ಕೆ ತಣ್ಣೀರೆರೆಚಿದ ಕೋವಿಡ್

ಭಾನುವಾರ ಬೆಂಗಳೂರಿನಲ್ಲಿ ಅಡಗಿದ್ದ ಆತನನ್ನು ಪೊಲೀಸರು ಬಂಧಿಸಿ ತಿರುವನಂತಪುರಕ್ಕೆ ಕರೆತಂದಿದ್ದಾರೆ.