Road Mishap ಬೈಕ್‌ಗೆ ಸ್ಕೂಟರ್‌ ಢಿಕ್ಕಿ; ಸವಾರರಿಗೆ ಗಾಯ

ಕಾಪು: ಬೈಕ್‌ಗೆ ಸ್ಕೂಟರ್‌ ಢಿಕ್ಕಿ ಹೊಡೆದು ಸವಾರರಿಬ್ಬರು ಗಾಯಗೊಂಡ ಘಟನೆ ರಾ.ಹೆ. 66ರ ಉದ್ಯಾವರ ಸೇತುವೆ ಬಳಿ ರವಿವಾರ ನಡೆದಿದೆ.

ಬೈಕ್‌ ಸವಾರ ಸುರೇಶ್‌ ಮತ್ತು ಸ್ಕೂಟರ್‌ ಸವಾರ ವರುಣ್‌ ಗಾಯಗೊಂಡಿದ್ದು ಆಸ್ಪತ್ರೆಗೆ ದಾಖಲಿಸಲ್ಪಟ್ಟಿದ್ದಾರೆ.

ಜೂ. 9ರಂದು ಮಧ್ಯಾಹ್ನ ಉಡುಪಿಯಿಂದ ಮನೆಗೆ ಬರುತ್ತಿದ್ದ ಬೈಕ್‌ಗೆ ರಾ.ಹೆ. 66ರ ಉದ್ಯಾವರ ಬ್ರಿಡ್ಜ್ ಬಳಿ ಹಿಂದಿನಿಂದ ಬಂದ ಸ್ಕೂಟರ್‌ ಢಿಕ್ಕಿ ಹೊಡೆದ ಪರಿಣಾಮ ಅಪಘಾತ ಸಂಭವಿಸಿದೆ. ಅಪಘಾತದಿಂದಾಗಿ ಬೈಕ್‌ ಸವಾರ ಮತ್ತು ಸ್ಕೂಟರ್‌ ಸವಾರ ಇಬ್ಬರೂ ರಸ್ತೆಗೆ ಬಿದ್ದಿದ್ದು ಗಾಯಗಳಾಗಿವೆ. ಕಾಪು ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.