Advertisement
ಹೇಗೆ ಬೇಕಾದರೂ ಆಡಬಲ್ಲಡೆತ್ ಓವರ್‌ ಸಂದರ್ಭದಲ್ಲಿ ಬೌಲರ್‌ಗಳು ಬ್ಯಾಟ್ಸ್‌ಮನ್‌ಗಳ ಅಬ್ಬರವನ್ನು ಕಂಟ್ರೋಲ್‌ ಮಾಡಲು, ಸಾಮಾನ್ಯವಾಗಿ ಯಾರ್ಕರ್‌ ಮೊರೆ ಹೋಗುತ್ತಾರೆ. ಈ ಸಂದರ್ಭದಲ್ಲಿ ಬ್ಯಾಟ್ಸ್‌ಮನ್‌ಗಳು ತಬ್ಬಿಬ್ಟಾಗುತ್ತಾರೆ. ಆದರೆ ಎಬಿಡಿ, ಧೋನಿ… ಅವರಂತಹ ಬ್ಯಾಟ್ಸ್‌ಮನ್‌ಗಳು ಮಾತ್ರ ಯಾರ್ಕರ್‌ಗಳಿಗೆ ಕೇರ್‌ ಮಾಡದೇ ಅದನ್ನೂ ಬೌಂಡರಿ, ಸಿಕ್ಸರ್‌ ಕಳುಹಿಸುವ ಮೂಲಕ ತಕ್ಕ ಉತ್ತರ ನೀಡುತ್ತಾರೆ. ಡೆಲ್ಲಿ ಡೇರ್‌ಡೆವಿಲ್ಸ್‌ ತಂಡದಲ್ಲಿರುವ ಪಂತ್ ಕೂಡ ಈ ಸಾಲಿಗೆ ಸೇರ್ಪಡೆಯಾಗಿದ್ದಾರೆ. ಪ್ರಸಕ್ತ ಐಪಿಎಲ್‌ನಲ್ಲಿ ಇದನ್ನು ಸಾಬೀತು ಪಡಿಸುತ್ತಿದ್ದಾರೆ.
ಬ್ಯಾಟ್ಸ್‌ಮನ್‌ ಕಮ್‌ ವಿಕೆಟ್‌ ಕೀಪರ್‌ ಆಗಿರುವ ಪಂತ್, ಈಗಾಗಲೇ ಆಡಿರುವ 12 ಪಂದ್ಯಗಳಲ್ಲಿ 1 ಶತಕ, 4 ಅರ್ಧಶತಕ ಸೇರಿದಂತೆ ಒಟ್ಟು 582 ರನ್‌ ಬಾರಿಸಿ ವೈಯಕ್ತಿಕ ಗರಿಷ್ಠ ರನ್‌ಗಳಿಕೆಯಲ್ಲಿ ಅಗ್ರಸ್ಥಾನದಲ್ಲಿದ್ದಾರೆ. ದುರಾದೃಷ್ಟವಶಾತ್‌ ಉಳಿದ ಆಟಗಾರರ ವೈಫ‌ಲ್ಯದಿಂದ ಡೆಲ್ಲಿ ತಂಡ ಪ್ಲೇಆಫ್ ರೇಸ್‌ನಿಂದ ಹೊರಬಿದ್ದಿದೆ.
Related Articles
Advertisement
ಈ ಆವೃತ್ತಿಯಲ್ಲಿ ಆರಂಭದಲ್ಲಿ ಮುಂಬೈ, ಪಂಜಾಬ್‌, ಕೋಲ್ಕತಾ ವಿರುದ್ಧದ ಪಂದ್ಯದಲ್ಲಿ ಪಂತ್ ವೈಫ‌ಲ್ಯ ಎದುರಿಸಿದ್ದರು. ನಂತರ ನಿಧಾನಕ್ಕೆ ಫಾರ್ಮ್ ಕಂಡುಕೊಂಡು ಎದುರಾಳಿ ಬೌಲರ್‌ಗಳ ಬೆವರಿಳಿಸತೊಡಗಿದರು. ಅದರಲ್ಲಿಯೂ ಸನ್‌ ರೈಸರ್ ಹೈದರಾಬಾದ್‌ ವಿರುದ್ಧದ ಪಂದ್ಯದಲ್ಲಿ ಸಾಕ್ಷಾತ್‌ ಎಬಿ ಡಿವಿಲಿಯರ್ ಆಟವನ್ನು ನೆನಪಿಸಿಬಿಟ್ಟರು. ಒಂದು ಹಂತದಲ್ಲಿ ಡೆಲ್ಲಿ ತಂಡ 13.6 ಓವರ್‌ಗೆ 4 ವಿಕೆಟ್‌ ಕಳೆದುಕೊಂಡು ಕೇವಲ 98 ರನ್‌ ಬಾರಿಸಿತ್ತು. ಆದರೆ, ಮತ್ತೂಂದು ಕಡೆ ಕ್ರೀಸ್‌ನಲ್ಲಿ ಗಟ್ಟಿಯಾಗಿ ನಿಂತ ಪಂತ್ ಹೈದರಾಬಾದ್‌ ಬೌಲರ್‌ಗಳನ್ನು ಬೆಂಡೆತ್ತಿದರು. ಯಾವ ಬೌಲರ್‌ಗಳಿಗೂ ಕನಿಕರ ತೋರಿಸಲಿಲ್ಲ. ಅಂತಿಮವಾಗಿ ಪಂತ್ 63 ಎಸೆತದಲ್ಲಿ 128 ರನ್‌ ದಾಖಲಿಸಿದರು. ಅದರಲ್ಲಿ 15 ಬೌಂಡರಿ, 7 ಸಿಕ್ಸರ್‌ ಸೇರಿತ್ತು. ತಂಡ 187 ರನ್‌ ಬಾರಿಸಿಯೂ ಸೋಲುವಂತಾಯಿತು.
ಹೊಸ ಪ್ರತಿಭೆಗಳ ಉಗಮಪ್ರತಿ ಐಪಿಎಲ್‌ನಲ್ಲೂ ಹೊಸ ಹೊಸ ಪ್ರತಿಭೆಗಳು ಉಗಮವಾಗುತ್ತಿವೆ. ಈ ಬಾರಿ ಡೆಲ್ಲಿ ತಂಡದಲ್ಲಿ ಪಂತ್, ಶ್ರೇಯಸ್‌ ಐಯ್ಯರ್‌, ಚೆನ್ನೈ ತಂಡದಲ್ಲಿರುವ ಅಂಬಟಿ ರಾಯುಡು, ಮುಂಬೈ ತಂಡದ ಸೂರ್ಯಕುಮಾರ್‌ ಯಾದವ್‌, ರಾಜಸ್ಥಾನ್‌ ತಂಡದ ಸಂಜು ಸ್ಯಾಮ್ಸನ್‌ ಗಮನ ಸೆಳೆಯುತ್ತಿರುವ ಪ್ರತಿಭೆಗಳಾಗಿದ್ದಾರೆ.