ತಾತ್ಕಾಲಿಕ ನಾಯಕನ ಬಗ್ಗೆ ಕೇಳಿದ್ದೀರಾ ? ಪೈನ್ ಗೆ ಪಂಥ್ ಪಂಚ್ 

ಮೆಲ್ಬೋರ್ನ್ : ಮೂರನೇ ಟೆಸ್ಟ್ ಪಂದ್ಯದಲ್ಲಿ ಭಾರತ ತನ್ನ ಹಿಡಿತ ಸಾಧಿಸಿದ್ದು, ಪಂದ್ಯ ಗೆಲ್ಲಲು ಕೇವಲ 2 ವಿಕೆಟ್ ನ ಅಗತ್ಯವಿದೆ. ಈ ಮಧ್ಯೆ ಆಸ್ಟ್ರೇಲಿಯಾ ನಾಯಕ ಟಿಮ್ ಪೈನ್ ಮತ್ತು ಭಾರತೀಯ ವಿಕೆಟ್ ಕೀಪರ್ ರಿಷಭ್ ಪಂಥ್ ತಮ್ಮ ಮಾತಿನಿಂದಲೇ ಜನರಿಗೆ ಪುಕ್ಕಟೆ ಮನರಂಜನೆ ನೀಡುತ್ತಿದ್ದಾರೆ. 

ಮೂರನೇ ದಿನದಾಟದಲ್ಲಿ ಬ್ಯಾಟಿಂಗ್ ಗೆ ಆಗಮಿಸಿದ್ದ ರಿಷಬ್ ಪಂಥ್ ಗೆ ಟಿಮ್ ಪೈನ್, ‘ ಏಕದಿನ ಸರಣಿಗೆ ನಿನಗೆ ವಿಶ್ರಾಂತಿ ಇದೆಯಲ್ವಾ, ನನ್ನ ಮನೆಗೆ ಬಾ. ನಾನು ನನ್ನ ಹೆಂಡತಿ ಸಿನಿಮಾಗೆ ಹೋಗ್ತಿವಿ, ನೀನು ನನ್ನ ಮಕ್ಕಳನ್ನು ನೋಡಿಕೋ ‘ಎಂದು ಕಿಚಾಯಿಸಿದ್ದರು. 

ನಾಲ್ಕನೇ ದಿನ ಸರಿಯಾಗಿ ತಿರುಗೇಟು ನೀಡಿದ ಪಂಥ್, ಪೈನ್ ಬ್ಯಾಟಿಂಗ್ ಗೆ ಆಗಮಿಸಿದಾಗ ಅಲ್ಲೇ ಹತ್ತಿರದಲ್ಲಿ ಫೀಲ್ಡಿಂಗ್ ಮಾಡುತ್ತಿದ್ದ ಮಾಯಾಂಕ್ ಅಗರ್ವಾಲ್ ರನ್ನು ಕರೆದು, ‘ಈಗ ವಿಶೇಷ ಅತಿಥಿ ಬಂದಿದ್ದಾರೆ ಎಂದು ಕಾಲೆಳಿದಿದ್ದಾರೆ. ಇನ್ನೂ ಮುಂದೆ ಹೋಗಿ, ಮಾಯಾಂಕ್ ನೀನು ಯಾವತ್ತಾದ್ರೂ ತಾತ್ಕಾಲಿಕ ನಾಯಕನ ಬಗ್ಗೆ ಕೇಳಿದ್ದೀಯಾ, ನಾನೀಗ ತಾತ್ಕಾಲಿಕ ನಾಯಕನ್ನು ನೋಡ್ತಾ ಇದ್ದೀನಿ’ ಎಂದು ಪೈನ್ ಗೆ ಸರಿಯಾಗೇ ತಿರುಗೇಟು ನೀಡಿದರು.