16 ವರ್ಷದ ರಿಚಾರಿಂದ 1 ಲಕ್ಷ ರೂ.

ಕೋಲ್ಕತಾ: ಮಹಿಳಾ ಟಿ20 ವಿಶ್ವಕಪ್‌ ಕ್ರಿಕೆಟ್‌ ಕೂಟದಲ್ಲಿ ಭಾರತ ತಂಡವನ್ನು ಪ್ರತಿನಿಧಿಸಿದ್ದ 16 ವರ್ಷದ ಆಲ್‌ರೌಂಡರ್‌ ರಿಚಾ ಘೋಷ್‌, ಪಶ್ಚಿಮ ಬಂಗಾಲ ಮುಖ್ಯಮಂತ್ರಿ ಪರಿಹಾರ ನಿಧಿಗೆ 1 ಲಕ್ಷ ರೂ. ದೇಣಿಗೆ ನೀಡಿದ್ದಾರೆ. ಇದರೊಂದಿಗೆ ಕೋವಿಡ್-19 ಮಟ್ಟ ಹಾಕುವ ಕಾರ್ಯಕ್ಕೆ ಸರಕಾರದೊಂದಿಗೆ ಕೈ ಜೋಡಿಸಿದ್ದಾರೆ. “ಚೆಕ್‌ ಅನ್ನು ಸಿಲಿಗುರಿ ಜಿಲ್ಲೆಯ ಜಿಲ್ಲಾಧಿಕಾರಿ ಸುಮಂತ್‌ ಕೈಗೆ ರಿಚಾ ಘೋಷ್‌ ತಂದೆ ಮನಬೇಂದ್ರ ಘೋಷ್‌ ಶನಿವಾರ ಹಸ್ತಾಂತರ ಮಾಡಿದರು’ ಎಂದು ಬಂಗಾಲ ಕ್ರಿಕೆಟ್‌ ಸಂಸ್ಥೆ ತಿಳಿಸಿದೆ.