Under-19 Cooch Behar Cricket: ಕರ್ನಾಟಕಕ್ಕೆ ಇನಿಂಗ್ಸ್‌ ಸಹಿತ ಗೆಲುವು

ಮೈಸೂರು: ಇಲ್ಲಿ ನಡೆದ ಅಂಡರ್‌-19 ಕೂಚ್‌ ಬೆಹಾರ್‌ ಕ್ರಿಕೆಟ್‌ ಪಂದ್ಯದಲ್ಲಿ ಒಡಿಶಾ ವಿರುದ್ಧ ಆತಿಥೇಯ ಕರ್ನಾಟಕ ತಂಡ ಇನಿಂಗ್ಸ್‌ ಸಹಿತ 54 ರನ್‌ಗಳ ಜಯ ಗಳಿಸಿದೆ. ಇದರೊಂದಿಗೆ ಅದರ ಕ್ವಾರ್ಟರ್‌ ಫೈನಲ್‌ನ ಕ್ಷೀಣ ಆಸೆ ಜೀವಂತವಾಗಿದೆ.

2ನೇ ಇನಿಂಗ್ಸ್‌ನಲ್ಲಿ ಫಾಲೋಆನ್‌ ಪಡೆದಿದ್ದ ಒಡಿಶಾ, ವಿಕೆಟ್‌ ನಷ್ಟವಿಲ್ಲದೆ 33 ರನ್‌ ಬಾರಿಸಿದ್ದಲ್ಲಿಂದ ದಿನದಾಟ ಆರಂಭಿಸಿತು. ಆದರೆ ದ್ವಿತೀಯ ಇನಿಂಗ್ಸ್‌ನಲ್ಲೂ ಬ್ಯಾಟಿಂಗ್‌ ವೈಫ‌ಲ್ಯ ಅನುಭವಿಸಿದ ಒಡಿಶಾ, 107 ರನ್‌ಗೆ ಆಲೌಟ್‌ ಆಗಿ ಸೋಲೊಪ್ಪಿಕೊಂಡಿತು. ಆರಂಭಿಕ ಇನಿಂಗ್ಸ್‌ನಲ್ಲಿ 308 ರನ್‌ ಬಾರಿಸಿದ್ದರೆ, 147 ರನ್‌ ಬಾರಿಸಿ ಹಿನ್ನಡೆ ಅನುಭವಿಸಿತ್ತು.

ಸಂಕ್ಷಿಪ್ತ ಸ್ಕೋರ್‌:

ಕರ್ನಾಟಕ 1ನೇ ಇನಿಂಗ್ಸ್‌ 308 (ಗಗನ್‌ 61, ಧೀರಜ್‌ 49, ಸಾಯೆದ್‌ 66ಕ್ಕೆ 4), ಒಡಿಶಾ 1ನೇ ಇನಿಂಗ್ಸ್‌ 147 (ಸಂಬೀತ್‌ 48, ಪ್ರಣವ್‌ 24ಕ್ಕೆ 5), ಒಡಿಶಾ 2ನೇ ಇನಿಂಗ್ಸ್‌ 107 (ಪ್ರಯಾನ್‌ 26, ಸಿದ್ಧಾರ್ಥ್ 27ಕ್ಕೆ 5).

ಮೇಘಾಲಯ ವಿರುದ್ಧ ರಾಜ್ಯ ಗೆಲ್ಲಲೇಬೇಕು:

ಗ್ರೂಪ್‌ “ಎ’ಯಲ್ಲಿರುವ ಕರ್ನಾಟಕ ತಂಡ ಡಿ.6ರಿಂದ ಬೆಂಗಳೂರಿನ ಆಲೂರಿನಲ್ಲಿ ಆರಂಭವಾಗಲಿರುವ ಕೊನೇ ಪಂದ್ಯದಲ್ಲಿ ಮೇಘಾಲಯ ವಿರುದ್ಧ ಗೆಲ್ಲಲೇಬೇಕು. ಆಗ ಮಾತ್ರ ಅದು ಕ್ವಾರ್ಟರ್‌ಗೆàರುವ ಸಣ್ಣ ಅವಕಾಶವಿದೆ. ಏಕೆಂದರೆ ಈ ಗುಂಪಿನಲ್ಲಿ ಕರ್ನಾಟ 4ಲ್ಲಿ 2 ಪಂದ್ಯ ಗೆದ್ದು 3ನೇ ಸ್ಥಾನದಲ್ಲಿದ್ದರೆ, ಅಗ್ರ 2 ಸ್ಥಾನಗಳಲ್ಲಿ ಬರೋಡಾ ಮತ್ತು ಡೆಲ್ಲಿ ತಂಡಗಳಿವೆ.