ದೇಶದಲ್ಲಿ ಅಕ್ಕಿ, ತಾಳೆಎಣ್ಣೆ ಬೆಲೆಯಲ್ಲಿ ಹೆಚ್ಚಳ

ಹೊಸದಿಲ್ಲಿ : ದೇಶದಲ್ಲಿ ಅಕ್ಕಿ ಮತ್ತು ತಾಳೆಎಣ್ಣೆ ಬೆಲೆಗಳು ಹೆಚ್ಚಳ ಕಾಣಲಾರಂಭಿಸಿವೆ. ಕಳೆದ ಒಂದು ತಿಂಗಳಿನಲ್ಲಿ ಅಕ್ಕಿಯಲ್ಲಿ ಬೆಲೆ ಶೇ. 15ರಷ್ಟು ಏರಿಕೆಯಾಗಿದ್ದರೆ ಮುಂಬರುವ ವಾರಗಳಲ್ಲಿ ತಾಳೆ ಎಣ್ಣೆ ಬೆಲೆ ಪ್ರತೀ ಲೀಟರ್‌ಗೆ 5ರಿಂದ 7 ರೂ. ಹೆಚ್ಚುವ ಸಾಧ್ಯತೆಗಳಿವೆ.

ಬಾಸ್ಮತಿ ಅಕ್ಕಿ ಪ್ರತೀ ಕೆ.ಜಿ.ಗೆ ತಿಂಗಳ ಹಿಂದೆ 95 ರೂ. ಇದ್ದುದು ಈಗ ದಾಖಲೆಯ 110 ರೂ. ತಲುಪಿದೆ. ಗಿರಣಿ ಮಾಲಕರು ಮತ್ತು ಮಾರಾಟಗಾರರು ಅಕ್ಕಿ ದಾಸ್ತಾನು ಮಾಡಿಕೊಳ್ಳುತ್ತಿರುವುದರಿಂದ ಈ ಬೆಲೆ ಹೆಚ್ಚಳ ಕಂಡುಬಂದಿದೆ ಎನ್ನಲಾಗಿದೆ. ಖಾರಿಪ್‌ ಋತುವಿನಲ್ಲಿ ಉತ್ಪಾದನೆ ಕುಸಿತ, ನೇಪಾಲಕ್ಕೆ ಭತ್ತ ರಫ್ತು ಮಾಡುವುದಕ್ಕೆ ಇದ್ದ ತೆರಿಗೆಯನ್ನು ರದ್ದು ಮಾಡಿರುವುದರಿಂದ ಇತರ ಅಕ್ಕಿಗಳಿಗೂ ಬೆಲೆ ಹೆಚ್ಚಲಿದೆ ಎನ್ನಲಾಗಿದೆ.