ರಿಟೇಲ್‌ ಮಾರುಕಟ್ಟೆ: ದರ ಸಮರಕ್ಕೆ ರಿಲಯನ್ಸ್‌ ಸಿದ್ಧತೆ

ನವದೆಹಲಿ: ಈಗಾಗಲೇ ಎಲ್ಲಾ ಕ್ಷೇತ್ರಗಳಲ್ಲೂ ಮುಖೇಶ್‌ ಅಂಬಾನಿ ಮಾಲೀಕತ್ವದ ರಿಲಯನ್ಸ್‌ ದಾಪುಗಾಲು ಇಡುತ್ತಿದೆ. ಸಾಫ್ಟ್ ಡ್ರಿಂಕ್ಸ್‌ನಿಂದ ಹಿಡಿದು ಸೋಪ್‌ಗಳವರೆಗೆ ನೂತನ ಪ್ರಾಡಕ್ಟ್  ಗಳನ್ನು ರಿಲಿಯನ್ಸ್‌ ಮಾರುಕಟ್ಟೆಗೆ ಪರಿಚಯಿಸುತ್ತಿದ್ದು, ಮತ್ತೊಂದು ಸುತ್ತಿನ ದರ ಸಮರಕ್ಕೆ ಕಂಪನಿ ಅಣಿಯಾಗಿದೆ.

ಈ ಹಿಂದೆ ಟೆಲಿಕಾಮ್‌ ಕ್ರೇತ್ರಕ್ಕೆ ಲಗ್ಗೆ ಇಟ್ಟ ರಿಲಿಯನ್ಸ್‌, ಜಿಯೋ ಹೆಸರಿನಲ್ಲಿ ಉಚಿತ ಸಿಮ್‌ ಮತ್ತು ಇಂಟರ್‌ನೆಟ್‌ ಸೌಲಭ್ಯಗಳನ್ನು ನೀಡುವ ಮೂಲಕ ದೊಡ್ಡ ಸಂಖ್ಯೆಯ ಗ್ರಾಹಕರನ್ನು ತನ್ನತ್ತ ಸೆಳೆಯಿತು. ಅಲ್ಲದೇ ಇದೀಗ ರಿಲಿಯನ್ಸ್‌ ಜಿಯೋ ಅತ್ಯಾಧಿಕ ಗ್ರಾಹಕರನ್ನು ಹೊಂದಿರುವ ನಂ.1 ಟೆಲಿಕಾಮ್‌ ಕಂಪನಿಯಾಗಿದೆ.

ಅದೇ ರೀತಿ ರಿಲಯನ್ಸ್‌ ಕಂಪನಿಯು ಕಾಂಪ ಹೆಸರಿನಲ್ಲಿ ವಿವಿಧ ತಂಪು ಪಾನೀಯಾಗಳನ್ನು ಪರಿಚಯಿಸಿದೆ. ಇದು ಕೊಕೊ ಕೋಲಾ ಮತ್ತು ಪೆಪ್ಸಿ ಕಂಪನಿಗಳ ತಂಪು ಪಾನೀಯಾಗಳಿಗಿಂತ ಕಡಿಮೆ ಬೆಲೆ ಇದ್ದು, ಮುಂದಿನ ದಿನಗಳಲ್ಲಿ ಖಂಡಿತವಾಗಿಯೂ ಪೈಪೋಟಿ ನೀಡಲಿದೆ.

ಅದೇ ರೀತಿ ರಿಲಯನ್ಸ್‌ ಕನ್ಸೂಮರ್ ಪ್ರಾಡಕ್ಟ್ ಲಿ.(ಆರ್‌ಸಿಪಿಎಲ್‌) 100 ಗ್ರಾಂಗೆ ಕೇವಲ 25 ರೂ. ಗಳಿಗೆ ಸೌಂದರ್ಯವರ್ಧಕ ಸೋಪುಗಳನ್ನು ಮಾರುಕಟ್ಟೆಗೆ ಪರಿಚಯಿಸಿದೆ. ಅದೇ ರೀತಿ ವಾಷಿಂಗ್‌ ಮೆಷಿನ್‌ ಮತ್ತು ಕೈಯಲ್ಲಿ ತೊಳೆಯುವ  ಡಿಟರ್ಜಂಟ್‌ ಪೌಡರ್‌ ಅನ್ನು ಪರಿಚಯಿಸಿದೆ. ಬೇರೆ ಖ್ಯಾತ ಕಂಪನಿಗಳಿಂತ ಬೆಲೆ ಕಡಿಮೆಯಿದೆ. ಈ ಮೂಲಕ ದೇಶದ ರಿಟೇಲ್‌ ಮಾರುಕಟ್ಟೆಯಲ್ಲಿ ದರ ಸಮರಕ್ಕೆ ರಿಲಯನ್ಸ್‌ ಮುಂದಾಗಿದೆ.