ವಿದ್ಯುತ್‌ ಶುಲ್ಕ ಮನ್ನಾ ಸದುಪಯೋಗಕ್ಕೆ ಮನವಿ

ಬೀಳಗಿ: ಅತಿ ಸಣ್ಣ, ಸಣ್ಣ, ಮಧ್ಯಮ ಕೈಗಾರಿಕೆ ಮತ್ತು ಇತರೆ ಕೈಗಾರಿಕೆ ಗ್ರಾಹಕರ ವಿದ್ಯುತ್ತಿನ ಏಪ್ರಿಲ್‌ ಮತ್ತು ಮೇ 2020ರ ನಿಗದಿತ ಶುಲ್ಕವನ್ನು ಮನ್ನಾ ಮಾಡಲು ರಾಜ್ಯ ಸರಕಾರ ಘೋಷಣೆ ಮಾಡಿದೆ. ಕಾರಣ, ಸಂಬಂಧಿಸಿದ ವಿದ್ಯುತ್‌ ಗ್ರಾಹಕರು ಇದರ ಸದುಪಯೋಗ ಮಾಡಿಕೊಳ್ಳಬೇಕು.

ಕರ್ನಾಟಕ ಸರಕಾರ ಇಂಧನ ಇಲಾಖೆಯ ಮೇ 8ರ ಆದೇಶದ ಪ್ರಕಾರ ಬೀಳಗಿ ಉಪ ವಿಭಾಗ ವ್ಯಾಪ್ತಿಯಲ್ಲಿ ಬರುವ ಅತಿಸಣ್ಣ, ಸಣ್ಣ, ಮಧ್ಯಮ ಕೈಗಾರಿಕೆಯ ವಿದ್ಯುತ್‌ ಸ್ಥಾವರದ ಗ್ರಾಹಕರಾದಲ್ಲಿ ತಮ್ಮ ಆರ್‌ಆರ್‌ ಸಂಖ್ಯೆ ಹಾಗೂ ಎಂಎಸ್‌ಎಂಇ ಕೈಗಾರಿಕಾ ಗ್ರಾಹಕರೆಂದು ಸಕ್ಷಮ ಪ್ರಾಧಿಕಾರ ನೀಡಿರುವ ಎಂಎಸ್‌ಎಂಇ ಪ್ರಮಾಣ ಪತ್ರವನ್ನು ಸಂಬಂಧಪಟ್ಟ ಹತ್ತಿರದ ಉಪ ವಿಭಾಗ ಹಾಗೂ ಶಾಖಾ ಕಚೇರಿಗಳಲ್ಲಿ ಸದರಿ ಪ್ರಮಾಣ ಪತ್ರವನ್ನು ನೀಡಿ ವಿದ್ಯುತ್‌ ಶುಲ್ಕ ಮನ್ನಾ ಸದ್ಬಳಕೆ ಮಾಡಿಕೊಳ್ಳಬೇಕೆಂದು ಬೀಳಗಿ ಹೆಸ್ಕಾಂ ಉಪ ವಿಭಾಗದ ಸಹಾಯಕ ಕಾರ್ಯನಿರ್ವಾಹಕ ಅಭಿಯಂತರರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.