ಗೋವಾದಲ್ಲಿ ಆಪ್ ಸರಕಾರ ಬಂದರೆ 6 ತಿಂಗಳೊಳಗೆ ಗಣಿಗಳ ಪುನರಾರಂಭ: ಕೇಜ್ರಿವಾಲ್

ಪಣಜಿ: ಗೋವಾದಲ್ಲಿ ಆಮ್‍ಆದ್ಮಿ ಪಕ್ಷ ಸರ್ಕಾರ ರಚಿಸಿದ 6 ತಿಂಗಳ ಒಳಗೆ ಗಣಿಗಾರಿಕೆ ಪುನರಾರಂಭಿಸಲಾಗುವುದು ಎಂದು ದೆಹಲಿ ಮುಖ್ಯಮಂತ್ರಿ ಅರವಿಂದ ಕೇಜ್ರಿವಾಲ್ ಭರವಸೆ ನೀಡಿದ್ದಾರೆ.

ಭಾನುವಾರ ಪಣಜಿಯಲ್ಲಿ ಸುದ್ಧಿಗಾರರೊಂದಿಗೆ ಮಾತನಾಡಿದ ಅವರು- ಆಮ್‍ಆದ್ಮಿ ಪಕ್ಷವು ತಾನು ನೀಡಿದ ಭರವಸೆಯನ್ನು ಈಡೇರಿಸುವ ಪಕ್ಷವಾಗಿದೆ. ಗೋವಾದಲ್ಲಿ ಎಎಪಿ ಸರ್ಕಾರ ರಚನೆಯಾದ ಆರು ತಿಂಗಳ ಒಳಗೆ ಗೋವಾದಲ್ಲಿ ಗಣಿಗಾರಿಕೆ ಪುನರಾರಂಭಗೊಳ್ಳಲಿದೆ ಎಂದು ನಾನು ಗೋವಾದ ಜನತೆಗೆ ಭರವಸೆ ನೀಡುತ್ತೇನೆ ಎಂದರು.

ಭಾನುವಾರ ಗೋವಾಕ್ಕೆ ಆಗಮಿಸಿದ ದೆಹಲಿ ಮುಖ್ಯಮಂತ್ರಿ ಅರವಿಂದ ಕೇಜ್ರಿವಾಲ್ ರವರನ್ನು ಗೋವಾ ಆಮ್‍ಆದ್ಮಿ ಪಕ್ಷದ ಪ್ರಮುಖರಾದ ಮಹಾದೇವ ನಾಯ್ಕ, ಮತ್ತಿತರರು ದಾಬೋಲಿಂ ವಿಮಾನ ನಿಲ್ದಾಣದಲ್ಲಿ ಸ್ವಾಗತ ಕೋರಿದರು.