BJP Leader; ಇಂಡಿಯಾ ಗೇಟ್‌ಗೆ “ಭಾರತ್‌ ಮಾತಾ ದ್ವಾರ’ ಹೆಸರಿಡಿ: ಮೋದಿಗೆ ಪತ್ರ

ನವದೆಹಲಿ: ನವದೆಹಲಿಯಲ್ಲಿರುವ “ಇಂಡಿಯಾ ಗೇಟ್‌’ಗೆ “ಭಾರತ್‌ ಮಾತಾ ದ್ವಾರ’ ಎಂದು ಮರುನಾಮಕರಣ ಮಾಡಲು ಕೋರಿ ಬಿಜೆಪಿ ಅಲ್ಪಸಂಖ್ಯಾತ ಮೋರ್ಚಾದ ರಾಷ್ಟ್ರೀಯ ಅಧ್ಯಕ್ಷ ಜಮಾಲ್‌ ಸಿದ್ದೀಕಿ ಅವರು ಪ್ರಧಾನಿ ಮೋದಿಗೆ ಪತ್ರ ಬರೆದಿದ್ದಾರೆ.

“ಮೊಘಲರು, ಬ್ರಿಟಿಷರು ದೇಶದಲ್ಲಿ ಮೂಡಿಸಿದ ಗಾಯದ ಗುರುತು, ದಾಸ್ಯದ ಸಂಕೋಲೆಯ ಗುರುತುಗಳನ್ನು ನಿಮ್ಮ ಆಡಳಿತವು ತೊಡೆದು ಹಾಕಿ ದೇಶದಲ್ಲಿ ಸಂತಸ ಮೂಡಿಸಿದೆ. ಕ್ರೂರ ಮೊಘಲ್‌ ದೊರೆ ಔರಂಗಜೇಬನ ಹೆಸರಿದ್ದ ರಸ್ತೆಗೆ ಅಬ್ದುಲ್‌ ಕಲಾಂ ಹೆಸರನ್ನು ಮರು ನಾಮಕರಣ ಮಾಡಿದ್ದೀರಿ, ಇಂಡಿಯಾ ಗೇಟ್‌ನಲ್ಲಿದ್ದ ಕಿಂಗ್‌ಜಾರ್ಜ್‌ ಪತ್ರಿಮೆ ಬದಲು ನೇತಾಜಿ ಸುಭಾಷ್‌ರ ಪತ್ರಿಮೆ ಸ್ಥಾಪಿಸಿದಿರಿ, ರಾಜಪಥವನ್ನು ಕರ್ತವ್ಯ ಪಥ ಎಂದು ಬದಲಿಸಿ ದೇಶದ ಸಂಸ್ಕೃತಿಗೆ ಮೆರುಗು ತಂದಿದ್ದೀರಿ. ಈಗ ಅದೇ ಮಾದರಿಯಲ್ಲಿ ಇಂಡಿಯಾ ಗೇಟ್‌ ಅನ್ನು ಭಾರತ್‌ ಮಾತಾ ದ್ವಾರ ಎಂದು ಬದಲಿಸಿ” ಎಂದು ಪತ್ರದಲ್ಲಿ ಕೋರಲಾಗಿದೆ.