Agreement: ರಿಲಯನ್ಸ್‌ ಇಂಡಸ್ಟ್ರೀಸ್‌.ಲಿ. ಜತೆಗೆ ವಾಲ್ಟ್ ಡಿಸ್ನಿ ಕಂಪೆನಿ ವಿಲೀನ ಒಪ್ಪಂದ

ಲಂಡನ್‌: ರಿಲಯನ್ಸ್‌ ಇಂಡಸ್ಟ್ರೀಸ್‌ ಲಿಮಿಟೆಡ್‌ (ಆರ್‌ಐಎಲ್‌)ನೊಂದಿಗೆ ವಾಲ್ಟ್ ಡಿಸ್ನಿ ಕೋ. ವಿಲೀನಗೊಳುತ್ತಿದೆ. ಈ ಸಂಬಂಧ ಕಳೆದ ವಾರ ಲಂಡನ್‌ನಲ್ಲಿ ನಡೆದ ಪ್ರಕ್ರಿಯೆಯಲ್ಲಿ ವಿಲೀನ ಒಪ್ಪಂದಕ್ಕೆ ಎರಡೂ ಕಂಪೆನಿಗಳು ಸಹಿ ಹಾಕಿವೆ. ಈ ಮೂಲಕ ಭಾರತದ ಅತಿ ದೊಡ್ಡ ಮಾಧ್ಯಮ ಮತ್ತು ಮನರಂಜನಾ ಕ್ಷೇತ್ರದಲ್ಲಿ ಅತಿದೊಡ್ಡ ಸಂಸ್ಥೆಯಾಗಿ ಹೊರಹೊಮ್ಮಲಿದೆ.

ಅದರಲ್ಲಿ ಮುಖೇಶ್‌ ಅಂಬಾನಿ ಅವರ ಮಾಲೀಕತ್ವದ ರಿಲಯನ್ಸ್‌ ಇಂಡಸ್ಟ್ರೀಸ್‌ ಶೇ.51ರಷ್ಟು ಶೇರುಗಳನ್ನು ಹೊಂದಿದರೆ, ವಾಲ್ಟ್ ಡಿಸ್ನಿ ಕೋ. ಶೇ.49ರಷ್ಟು ಶೇರುಗಳನ್ನು ಹೊಂದಲಿದೆ. ಜನವರಿ ಅಂತ್ಯ ಅಥವಾ ಫೆಬ್ರವರಿ ವೇಳೆಗೆ ಈ ವಿಲೀನ ಪ್ರಕ್ರಿಯೆ ಪೂರ್ಣಗೊಳ್ಳಲಿದೆ ಎಂದು ಮೂಲಗಳು ಮಾಹಿತಿ ನೀಡಿವೆ. ಸದ್ಯ ಭಾರತದ ಮನೋರಂಜನಾ ಕ್ಷೇತ್ರದಲ್ಲಿ ಝೀ ಎಂಟರ್‌ಟೇನ್ಮೆಂಟ್‌ ಎಂಟರ್‌ಪ್ರೈಸಸ್‌ ಮತ್ತು ಸೋನಿ ಗ್ರೂಪ್‌ ಕಾರ್ಪ್ಸ್‌ನ ಇಂಡಿಯಾ ಘಟಕದ ನಡುವಿನ ವಿಲೀನವು ಅತ್ಯಂತ ದೊಡ್ಡ ವಿಲೀನವಾಗಿದೆ.