Share Market; ರೇಖಾ ಜುಂಜುನ್‌ವಾಲಾಗೆ ಒಂದೇ ದಿನ 800 ಕೋಟಿ ರೂ. ನಷ್ಟ!

ನವದೆಹಲಿ: ದಿವಂಗತ ಉದ್ಯಮಿ ರಾಕೇಶ್‌ ಜುಂಜುನ್‌ವಾಲಾ ಅವರ ಪತ್ನಿ ರೇಖಾ ಜುಂಜುನ್‌ವಾಲಾ ಸೋಮವಾರ ಒಂದೇ ದಿನ 800 ಕೋಟಿ ರೂ. ನಷ್ಟ ಅನುಭವಿಸಿದ್ದಾರೆ.

ಟಾಟಾ ಸಮೂಹದ ಟೈಟಾನ್‌ ಕಂಪನಿಯಲ್ಲಿ ರೇಖಾ ಶೇ.5.35 ಷೇರುಗಳನ್ನು ಹೊಂದಿದ್ದಾರೆ. ಸೋಮವಾರ ಟೈಟಾನ್‌ ಷೇರು ಮೌಲ್ಯ ಶೇ.7 ಕುಸಿದಿದ್ದರಿಂದ, ರೇಖಾ ಭಾರೀ ನಷ್ಟ ಅನುಭವಿಸಿದ್ದಾರೆ.

ರೇಖಾ ಬಳಿಯಿರುವ ಷೇರುಗಳ ಒಟ್ಟು ಮೌಲ್ಯ ಕಳೆದ ಶುಕ್ರವಾರದ ಹೊತ್ತಿಗೆ 16,792 ಕೋಟಿ ರೂ.ಗಳಾಗಿತ್ತು. ಸೋಮವಾರ ಷೇರುಗಳ ಬೆಲೆ ಕುಸಿದಿದ್ದರಿಂದ, ಈ ಮೌಲ್ಯ 15,986 ಕೋಟಿ ರೂ.ಗೆ ಇಳಿದಿದೆ.

ಸೋಮವಾರ ಟೈಟಾನ್‌ ಒಂದು ಷೇರಿನ ಬೆಲೆ ಮಧ್ಯಂತರದಲ್ಲಿ 3,352.25 ರೂ.ಗೆ ಇಳಿದು, ದಿನದಂತ್ಯಕ್ಕೆ 3,281.65 ರೂ.ಗೆ ಮುಟ್ಟಿತು. ರೇಖಾಗೆ ನಷ್ಟವಾಗಲು ಈ ಕುಸಿತವೇ ಕಾರಣ.