ರಿಯಲ್‌ ಕಾಶ್ಮೀರ ಫ‌ುಟ್‌ಬಾಲ್‌ ಕ್ಲಬ್‌ನಿಂದ ಕಿಟ್‌ ನೆರವು

ಶ್ರೀನಗರ: ರಿಯಲ್‌ ಕಾಶ್ಮೀರ ಫ‌ುಟ್‌ಬಾಲ್‌ ಕ್ಲಬ್‌ (ಆರ್‌ ಕೆಎಫ್ ಸಿ) ತಂಡವು ಕೋವಿಡ್-19 ವಿರುದ್ಧ ಹೋರಾಟ ನಡೆಸುತ್ತಿರುವ ಜಮ್ಮು ಕಾಶ್ಮೀರದ ಆಡಳಿತ ವಿಭಾಗ ಹಾಗೂ ಸೈನಿಕರಿಗೆ ವೈಯಕ್ತಿಕ ರಕ್ಷಣಾ ಕವಚ (ಪಿಪಿಇ), ಮಾಸ್ಕ್ ಹಾಗೂ ಕೈ ಗ್ಲೌಸ್‌ಗಳನ್ನು ನೀಡಿ ನೆರವಾಗಿದೆ.

ಈ ಮೂಲಕ ಕೋವಿಡ್-19 ವಿರುದ್ಧದ ಹೋರಾಟದಲ್ಲಿ ರಿಯಲ್‌ ಕಾಶ್ಮೀರ ಫ‌ುಟ್‌ಬಾಲ್‌ ಕ್ಲಬ್‌ ಅಳಿಲು ಸೇವೆ ಸಲ್ಲಿಸಿದೆ.

ಕ್ಲಬ್‌ನ ಮಾಲೀಕ ಸಂದೀಪ್‌ ಚಾಟ್ಟೋ ಸೋಮವಾರ 150 ವೈಯಕ್ತಿಕ ರಕ್ಷಣಾ ಕವಚ ಕಿಟ್‌, 3 ಸಾವಿರ ಕೈ ಗ್ಲೌಸ್‌ ಹಾಗೂ 15 ಸಾವಿರ ಮಾಸ್ಕ್ ಅನ್ನು ಶ್ರೀನಗರದ ಉಪ ಜಿಲ್ಲಾಧಿಕಾರಿ ಶಾಹಿದ್‌ ಇಕ್ಬಾಲ್‌ಗೆ ಹಸ್ತಾಂತರಿಸಿದರು