ಬ್ಯಾಂಕ್‌ಗಳು ಸಿಸಿಟಿವಿ ದಾಖಲೆ ಸಂರಕ್ಷಿಸಲು ಆರ್‌ಬಿಐ ಸೂಚನೆ

ಮುಂಬಯಿ : ನೋಟು ರದ್ದತಿಯ ಅವಧಿಯಲ್ಲಿ ಅಕ್ರಮಗಳನ್ನು ಎಸಗಿದವರ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳುವುದಕ್ಕೆ ಸಹಾಯವಾಗುವುದಕ್ಕಾಗಿ ಎಲ್ಲ ಬ್ಯಾಂಕ್‌ಗಳು 2016ರ ನ. 8ರಿಂದ ಡಿ. 30ರ ವರೆಗಿನ ಅವಧಿಯ ತಮ್ಮ ಶಾಖೆಗಳು ಮತ್ತು ಕರೆನ್ಸಿ ಚೆಸ್ಟ್‌ಗಳ ಸಿಸಿಟಿವಿ ದಾಖಲೆಗಳನ್ನು ಸಂರಕ್ಷಿಸಿ ಇರಿಸಿಕೊಳ್ಳಬೇಕು ಎಂದು ಭಾರತೀಯ ರಿಸರ್ವ್‌ ಬ್ಯಾಂಕ್‌ ಸೂಚನೆ ನೀಡಿದೆ.

ಮುಂದಿನ ಆದೇಶದ ವರೆಗೆ ಕಾಯ್ದಿರಿಸಬೇಕು ಎಂದು ಆರ್‌ಬಿಐ ಹೇಳಿದೆ. ಕೇಂದ್ರ ಸರಕಾರವು 2016ರ ನ. 8ರಂದು 500 ಮತ್ತು 1,000 ರೂ. ನೋಟು ರದ್ದುಗೊಳಿಸಿತ್ತು.