ರವೀಂದ್ರ ಭಲ್ಲಾ : ನ್ಯೂಜೆರ್ಸಿಯ ಪ್ರಥಮ ಸಿಕ್ಖ್ ಮೇಯರ್‌

ನ್ಯೂಯಾರ್ಕ್‌ : ರವೀಂದ್ರ ಭಲ್ಲಾ ಅವರು ನ್ಯೂಜೆರ್ಸಿಯ ಹೊಬೋಕೆನ್‌ ನಗರದ ಮೊತ್ತ ಮೊದಲ ಸಿಕ್ಖ್ ಮೇಯರ್‌ ಆಗಿ ಆಯ್ಕೆಗೊಂಡು ಇಲ್ಲಿನ ಭಾರತೀಯ ಸಮುದಾಯದವರ ಸಂಭ್ರಮೋಲ್ಲಾಸಕ್ಕೆ ಕಾರಣರಾಗಿದ್ದಾರೆ. 

ಮೇಯರ್‌ ಹುದ್ದೆಗೆ ನಡೆದ ಚುನಾವಣೆಯ ಪ್ರಚಾರ ತಾರಕಕ್ಕೇರಿದ್ದ ಸಂದರ್ಭದಲ್ಲಿ ಎದುರಾಳಿಗಳು ಭಲ್ಲಾ ಅವರನ್ನು ಓರ್ವ ಭಯೋತ್ಪಾದಕ ಎಂದು ಜರೆದಿದ್ದರು.

ಹಾಲಿ ಮೇಯರ್‌ ಡಾನ್‌ ಝಿಮ್ಮರ್‌ ಅವರು ತಾನು ಜೂನ್‌ ಮರುಚುನಾವಣೆಯಲ್ಲಿ ಸ್ಪರ್ಧಿಸುವುದಿಲ್ಲ ಎಂಬ ಅಚ್ಚರಿಯ ಪ್ರಕಟನೆ ನೀಡಿದ್ದರು. ಭಲ್ಲಾ ಅವರನ್ನು ಡಾನ್‌ ಝಿಮ್ಮರ್‌ ಅವರೇ ಅನುಮೋದಿಸಿದ್ದರು. 

ಭಲ್ಲಾ ಅವರು ಕಳೆದ ಏಳು ವರ್ಷಗಳಿಂದ ಸಿಟಿ ಕೌನ್ಸಿಲ್‌ ನಲ್ಲಿ ಇದ್ದರು. ಭಲ್ಲಾ ಅವರು ಟ್ವಿಟರ್‌ ಮೂಲಕ ಹೊಬೋಕೆನ್‌ ಜನರನ್ನು ಅಭಿನಂದಿಸಿ ಕೃತಜ್ಞತೆ ಅರ್ಪಿಸಿದ್ದಾರೆ.