ಗುಗಲೆ ಶತಕ; ದೊಡ್ಡ ಮೊತ್ತದತ್ತ ಮಹಾರಾಷ್ಟ್ರ

ಪುಣೆ: ಆರಂಭಕಾರ ಸ್ವಪ್ನಿಲ್‌ ಗುಗಲೆ ಅವರ ಶತಕ ಸಾಹಸದಿಂದ ಮುಂಬಯಿ ವಿರುದ್ಧ ಗುರುವಾರ ಮೊದಲ್ಗೊಂಡ “ಎಲೈಟ್‌ ಎ’ ವಿಭಾಗದ ರಣಜಿ ಪಂದ್ಯದಲ್ಲಿ ಮಹಾರಾಷ್ಟ್ರ 3 ವಿಕೆಟಿಗೆ 298 ರನ್‌ ಪೇರಿಸಿದೆ.

ಸ್ವಪ್ನಿಲ್‌ ಗುಗಲೆ 101 ರನ್‌ ಬಾರಿಸಿದರು (191 ಎಸೆತ, 15 ಬೌಂಡರಿ). ಜತೆಗಾರ ಚಿರಾಗ್‌ ಖುರಾನಾ ಕೊಡುಗೆ 71 ರನ್‌. ಇವರಿಬ್ಬರ ಮೊದಲ ವಿಕೆಟ್‌ ಜತೆಯಾಟದಲ್ಲಿ 146 ರನ್‌ ಒಟ್ಟುಗೂಡಿತು. ವನ್‌ ಡೌನ್‌ ಬ್ಯಾಟ್ಸ್‌ಮನ್‌ ಜಾಯ್‌ ಪಾಂಡೆ 68 ರನ್‌ ಮಾಡಿ ಬ್ಯಾಟಿಂಗ್‌ ಕಾಯ್ದುಕೊಂಡಿದ್ದಾರೆ.ಹಿಂದಿನ ಲೀಗ್‌ ಪಂದ್ಯದಲ್ಲಿ ಸೋಲನುಭವಿಸಿದ್ದರಿಂದ ಇದು ಎರಡೂ ತಂಡಗಳ ಪಾಲಿಗೆ ಮಹತ್ವದ ಪಂದ್ಯವಾಗಿದೆ.