Delhi BJP;ಮಹಾರಾಷ್ಟ್ರ ಮಾದರಿ ಯೋಜನೆ: ವರದಿ

ಹೊಸದಿಲ್ಲಿ: ಆಮ್‌ ಆದ್ಮಿ ಪಕ್ಷ ಹಾಗೂ ಕಾಂಗ್ರೆಸ್‌ ದಿಲ್ಲಿ ಜನರ ಮನವೊಲಿಸಲು ಹಲವು ಯೋಜನೆಗಳನ್ನು ಘೋಷಿಸುತ್ತಿರುವ ಬೆನ್ನಲ್ಲೇ ಇದೀಗ ಬಿಜೆಪಿ ಮಹಾರಾಷ್ಟ್ರ ಮತ್ತು ಮಧ್ಯಪ್ರದೇಶ ಮಾದರಿ ಹಲವು ಉಚಿತ ಯೋಜನೆಗಳ ಮೂಲಕ ಮತದಾರರ ಮುಂದೆ ಬರಲಿದೆ ಎಂದು ವರದಿಯಾಗಿದೆ. ದಿಲ್ಲಿ ಮತದಾರರಿಗೆ 300 ಯೂನಿಟ್‌ನಷ್ಟು ಉಚಿತ ವಿದ್ಯುತ್‌, ಉಚಿತ ನೀರು, ಮಹಿಳೆಯರಿಗೆ ಪ್ರತೀ ತಿಂಗಳು ನಿಗದಿತ ಮೊತ್ತ ನೀಡುವ “ಲಾಡ್ಲಿ ಬೆಹನಾ” ರೀತಿಯ ಯೋಜನೆಗಳನ್ನು ಘೋಷಿಸುವ ಸಾಧ್ಯತೆ ಇದೆ ಎಂದು ಮೂಲಗಳು ತಿಳಿಸಿವೆ. ಜತೆಗೆ ದೇವಾಲಯ ಹಾಗೂ ಗುರುದ್ವಾರಗಳಲ್ಲಿ 500 ಯೂನಿಟ್‌ಗಳಷ್ಟು ಉಚಿತ ವಿದ್ಯುತ್‌ ನೀಡಲೂ ಬಿಜೆಪಿ ಯೋಜಿಸಿದೆ ಎಂದು ಮಾಧ್ಯಮವೊಂದು ವರದಿ ಮಾಡಿದೆ.