ರಾಮನಗರ: ಬಸ್ ಗೆ ಎದುರಾಗಿ ಬಂದ ಒಂಟಿ ಸಲಗ; ಪ್ರಯಾಣಿಕರಲ್ಲಿ ಆತಂಕ

ರಾಮನಗರ : ಒಂಟಿ ಸಲಗವೊಂದು ಬಸ್ ಗೆ ಎದುರಾಗಿ ಬಂದು ಪ್ರಯಾಣಿಕರಲ್ಲಿ ಆತಂಕ ಹುಟ್ಟಿಸಿದ ಘಟನೆ ಗುರುವಾರ ನಡೆದಿದೆ.

ಕನಕಪುರ ತಾಲೂಕಿನ ಕಾಡುಶಿವನಹಳ್ಳಿಗೆ ಹೋಗುತ್ತಿದ್ದ ಬಸ್ ಗೆ ಎದುರಾಗಿ ಬಂದ ಒಂಟಿ ಸಲಗ ನೋಡಿ ಗಾಬರಿಗೊಂಡು ಪ್ರಯಾಣಿಕರು ಕಿರುಚಾಡಿದರು.

ಚಾಲಕನ ಸಮಯ ಪ್ರಜ್ಞೆಯಿಂದ ಪ್ರಯಾಣಿಕರು ಪಾರಾಗಿದ್ದಾರೆ. ಸಲಗ ಸ್ವಲ್ಪ ಸಮಯ ಭಯ ಹುಟ್ಟಿಸಿ ನಂತರ ಕಾಡಿನೊಳಗೆ ಹೋಗಿದೆ. ಆ ಬಳಿಕ ಭಯದಿಂದಿದ್ದ ಪ್ರಯಾಣಿಕರು ನಿಟ್ಟುಸಿರು ಬಿಟ್ಟಿದ್ದಾರೆ.