ಮಹಾಲಿಂಗಪುರ : ಪಟ್ಟಣದ ಛಾಯಾಗ್ರಾಹಕ, ಹವ್ಯಾಸಿ ನಾಣ್ಯ ಸಂಗ್ರಹಕಾರ ಮಹಾಲಿಂಗ ಬೀಳಗಿ ಅವರ ಹಳೆ ನಾಣ್ಯ ಸಂಗ್ರಹದಲ್ಲಿನ ಒಂದು ನಾಣ್ಯವು 17ನೇ ಶತಮಾನದ ನಾಣ್ಯವಾಗಿದ್ದು. ಈ ನಾಣ್ಯದಲ್ಲಿ ರಾಮ ದರ್ಬಾರ್ ಚಿತ್ರವನ್ನು ಒಳಗೊಂಡಿದೆ. ರಾಮ್ ದರ್ಬಾರ್ ನಾಣ್ಯವನ್ನು 1740 ರಲ್ಲಿ ಉತ್ತರ ಭಾರತದ ರಾಜಪ್ರಭುತ್ವದ ರಾಜ್ಯವಾದ ಚಂಬಾದ ರಾಜಾ ಭೂರಿ ಸಿಂಗ್ ಬಿಡುಗಡೆ ಮಾಡಿದರು. ಇದು ರಾಮ, ಸೀತೆ, ಲಕ್ಷ್ಮಣ ಮತ್ತು ಹನುಮಂತನ ಚಿತ್ರವನ್ನು ಒಳಗೊಂಡಿತ್ತು. ಇದನ್ನು ಒಟ್ಟಾಗಿ ರಾಮ್ ದರ್ಬಾರ್ ಎಂದು ಕರೆಯಲಾಗುತ್ತದೆ.
ರಾಮಾಯಣ ಮಹಾಕಾವ್ಯದ ಸಾಂಸ್ಕೃತಿಕ ಮತ್ತು ಧಾರ್ಮಿಕ ಪ್ರಾಮುಖ್ಯತೆಯನ್ನು ಸೂಚಿಸಲು ಮತ್ತು ರಾಮನ ಮೇಲಿನ ಆಡಳಿತಗಾರನ ಭಕ್ತಿಯ ಸಂಕೇತವಾಗಿ ಈ ನಾಣ್ಯವನ್ನು ಬಿಡುಗಡೆ ಮಾಡಲಾಗಿದೆ. ಈ ನಾಣ್ಯಗಳು ಆಡಳಿತಗಾರರು ತಮ್ಮ ಧರ್ಮನಿಷ್ಠೆಯನ್ನು ವ್ಯಕ್ತಪಡಿಸಲು ಮತ್ತು ತಮ್ಮ ಪ್ರಾಂತ್ಯಗಳಲ್ಲಿ ಪ್ರಚಲಿತದಲ್ಲಿರುವ ಧಾರ್ಮಿಕ ಭಾವನೆಗಳೊಂದಿಗೆ ತಮ್ಮನ್ನು ತಾವು ಜೋಡಿಸಿಕೊಳ್ಳಲು ಒಂದು ಮಾರ್ಗವಾಗಿ ಬಳಸಿದ್ದರು ಎಂಬುದು ಇತಿಹಾಸದಿಂದ ತಿಳಿದು ಬರುತ್ತದೆ. 1740 ರ ಸುಮಾರಿಗೆ ಬಿಡುಗಡೆಯಾದ ಈ ರಾಮ್ ದರ್ಬಾರ್ ಅನ್ನು ಚಿತ್ರಿಸುವ ನಾಣ್ಯಗಳು ಮರಾಠ ಆಡಳಿತಗಾರರೊಂದಿಗೆ, ವಿಶೇಷವಾಗಿ ಛತ್ರಪತಿ ಶಿವಾಜಿ ಮಹಾರಾಜ್ ಮತ್ತು ಅವರ ಉತ್ತರಾಧಿಕಾರಿಗಳೊಂದಿಗೆ ಸಂಬಂಧ ಹೊಂದಿವೆ.
ಈ ನಾಣ್ಯಗಳು ಸಾಮಾನ್ಯವಾಗಿ ರಾಮ, ಸೀತೆ, ಹನುಮಾನ್ ಮತ್ತು ವಿಶ್ವಾಮಿತ್ರರನ್ನು ಪ್ರದರ್ಶಿಸುವ ಸಂಕೀರ್ಣವಾದ ಕಲಾಕೃತಿಗಳನ್ನು ಒಳಗೊಂಡಿರುತ್ತವೆ. ನಾಣ್ಯಗಳ ಮೇಲಿನ ಶಾಸನಗಳು ಆಡಳಿತಗಾರ, ಪಂಗಡ ಮತ್ತು ಕೆಲವೊಮ್ಮೆ ಧಾರ್ಮಿಕ ಪದ್ಯಗಳ ಬಗ್ಗೆ ವಿವರಗಳನ್ನು ಒಳಗೊಂಡಿರಬಹುದು. ಈ ಕಲಾಕೃತಿಗಳು ಐತಿಹಾಸಿಕ ಮತ್ತು ಸಾಂಸ್ಕೃತಿಕ ಪ್ರಾಮುಖ್ಯತೆಯನ್ನು ಹೊಂದಿವೆ, ಭಾರತದಲ್ಲಿ ಆ ಕಾಲದ ಧಾರ್ಮಿಕ ಭಾವನೆಗಳು ಮತ್ತು ರಾಜಕೀಯ ಭೂದೃಶ್ಯದ ಒಂದು ನೋಟವನ್ನು ನೀಡುತ್ತದೆ ಎನ್ನುತ್ತಾರೆ ನಾಣ್ಯ ಸಂಗ್ರಹಕಾರ ಮಹಾಲಿಂಗ ಬೀಳಗಿ. ಇದೇ ಜ.22 ರಂದು ಅಯೋಧ್ಯೆಯಲ್ಲಿ ಶ್ರೀರಾಮ ಮೂರ್ತಿ ಪ್ರತಿಷ್ಟಾಪನೆ ಹಿನ್ನೆಲೆಯಲ್ಲಿ ಇಡಿ ದೇಶ್ಯಾದಂತ ರಾಮಜಪ ಮೊಳಗುತ್ತಿದೆ.
ಈ ಸಂದರ್ಭದಲ್ಲಿ ಇಂತಹ ಅಪರೂಪದ ಹಳೆ ಕಾಲದ ನಾಣ್ಯವು ನನ್ನ ಸಂಗ್ರಹದಲ್ಲಿದೆ ಎಂದು ಹೆಮ್ಮೆಯಾಗುತ್ತಿದೆ ಎನ್ನುತ್ತಾರೆ ಮಹಾಲಿಂಗ ಬೀಳಗಿ. ಮಹಾಲಿಂಗ ಬೀಳಗಿ ಅವರು ಕಳೆದ ಎರಡು ದಶಕಗಳಿಂದ ಹಳೆ ನಾಣ್ಯ, ಕ್ಯಾಮರಾ, ದೀಪಗಳು ಸೇರಿದಂತೆ ಅಪರೂಪದ ಹಳೆಯ ವಸ್ತುಗಳನ್ನು ಸಂಗ್ರಹಿಸಿಡುವುದು ಇವರ ಹವ್ಯಾಸವಾಗಿದೆ. ಇವರ ಸಂಗ್ರಹದಲ್ಲಿ ವಿವಿಧ ರಾಜ್ಯರ ಕಾಲದ ಹಾಗೂ ಹಲವು ದೇಶಗಳ ನೂರಾರು ನಾಣ್ಯ ಮತ್ತು ನೋಟಗಳನ್ನು ನೋಡಬಹುದಾಗಿದೆ.
